მესტიას სამუშაო ვიზიტად საქართველოს ეკონომიკისა და მდგრადი განვითარების მინისტრი გიორგი გახარია, ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრთან, სოზარ სუბართან ერთად სტუმრობდა.
მინისტრმა ადგილობრივი თვითმმართველობის ხელმძღვანელ პირებთან და პარლამენტის წევრთან, ვიქტორ ჯაფარიძესთან ერთად, თეთნულდის სამთო–სათხილამურო კურორტი მოინახულა.
როგორც Guardian.ge-ს მესტიის მუნიციპალიტეტის გამგებელმა, კაპიტონ ჟორჟოლიანმა განუცხადა, მინისტრთან ერთად, მესტიაში მთის კურორტების განვითარების სააგენტოს ხელმძღვანელი სანდრო ონოფრიშვილი და ევროპიდან მთის კურორტების მმართველებიც იმყოფებოდნენ.
ჟორჟოლიანის განმარტებით, ვიზიტის მიზანი კურორტ თეთნულდის განვითარების სამომავლო გეგმების დასახვა იყო.
„მათ შეაფასეს მესტიის კურორტის შესაძლებლობები. საუბარი შეეხებოდა იმას, თუ როგორ შეიძლება განვითარდეს კურორტი. ამ მიმართულებით, მათ საკუთარი გამოცდილება გაგვიზიარეს. ეს იყო სამუშაო შეხვედრა, თუ როგორ განვითარებას ჰპოვებს სამომავლოდ მთლიანად სვანეთი. უკვე გადაწყვეტილება მიღებულია, რომ წელს ჰაწვალი-მესტიის მიმართულებით საბაგიროს მშენებლობა დაიწყება", განუცხადა Guardian.ge-ს კაპიტონ ჟორჟოლიანმა.
ვიზიტისას შეხვედრა გაიმართა სამთო-სათხილამურო კურორტების მართვის წამყვანი ფრანგული კომპანიის „Compagnie Des Alpes“-ის წარმომადგენლებთან, სადაც საუბარი ასევე თეთნულდის კურორტის განვითარების სამომავლო გეგმებს შეეხო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.