ფილიპ სეიმორ ჰოფმანი კვირას, 2 თებერვალს, თავის მანჰეტენის სახლში იპოვეს გარდაცვლილი.
46 წლის მსახიობის სიკვდილის მიზეზს ნიუ იორკის პოლიცია იძიებს.
ნიუ იორკ პოსტი იტყობინება, რომ ჰოფმანი მისი სახლის აბაზანაში იატაკზე იპოვეს გარდაცვლილი და სავარაუდოდ წამლის ზედმეტი დოზა ჰქონდა მიღებული.
ჰოფმანის გარდაცვალების თაობაზე მსოფლიოს სოციალური ქსელით, "თვითერით" ეუწყა. მას შემდეგ რაც მსახიობთან დაკავშირება ვერ შეძლო, შეწუხებული სცენარისტი, დევიდ კატცი, რომელთანაც ჰოფმანი ახლახან პროექტზე მუშაობდა, მასთან სახლში სტუმრად მივიდა და რადგანაც მას კარი არავინ გაუღო, გადაუდებელი დახმარების სამსახურს დაურეკა. სამაშველო ჯგუფს მსახიობი სახლში გარდაცვლილი დახვდა.
ნიუ იორკ თაიმსის ცნობით, მას მკლავში შპრიცი ჰქონდა გაჩხერილი და სავარაუდოდ ჰეროინის დიდი დოზის მიღებით იყო გარდაცვლილი.
ცნობილია, რომ ჰოფმანი 2013 წელს ცდილობდა თავი დაენებებინა წამლისთვის. აღსანიშნავია, რომ იგი წამლის დანებებას ადრეული ახალგაზრდობის ასაკშიც ცდილობდა და ეს შეძლო კიდეც და ამ მავნე ჩვევისთვის ხელახლა მიბრუნებამდე 23 წელი ნარკოტიკულ ნივთიერებებს არ გაკარებია, თუმცა საბოლოოდ იგი მაინც დაუბრუნდა ნარკოტიკების მოხმარებას და მისი მსხვერპლი აღმოჩნდა.
ინტერვიუებში მსახიობი აღიარებდა, რომ მას ალკოჰოლი და წამალი ძალიან უყვარდა.
ხმაურიანი მსახიობი ყველაზე უფრო მეტად ცნობილია ისეთ ფილმებში როლების ჩინებულად შესრულებით, როგორიცაა: "ოსტატი", "ეჭვი", "ჩარლ უილსონის ომი", "ჯარისკაცის პიჯაკი". ამ უკანასკნელში როლის შესრულებისთვის იგი 2005 წელს, როგორც საუკეთესო მსახიობი, ოსკარით დაჯილდოვდა.
ჰოფმანს მისი ცხოვრების ხანგრძლივი პარტნიორის მიმი ო"დონელისაგან 3 შვილი დარჩა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.