„წინასწარი მონაცემებით, 2017 წლის თებერვალში, გასული წლის შესაბამის პერიოდთან შედარებით, მთლიანი შიდა პროდუქტის რეალურმა ზრდამ 4.4% შეადგინა“
30-03-2017, 03:32

შრიფტის ზომა: [ A+ ] / [ A- ]

 

„წინასწარი მონაცემებით, 2017 წლის თებერვალში, გასული წლის შესაბამის პერიოდთან შედარებით, მთლიანი შიდა პროდუქტის რეალურმა ზრდამ 4.4% შეადგინა“ - ამის შესახებ მედიის წარმომადგენლებს ეკონომიკისა და მდგრადი განვითარების მინისტრის მოადგილემ, ნინო ჯავახაძემ დღეს გამართულ ბრიფინგზე განუცხადა.

 


მინისტრის მოადგილის თქმით, 2017 წლის იანვარში რეალური ეკონომიკური ზრდა იყო 5.2%, შესაბამისად, 2017 წლის იანვარ-თებერვლის საშუალო ეკონომიკური ზრდა 4,8%-ის დონეზე დაფიქსირდა.

 


„ეკონომიკური ზრდის წინასწარი მონაცემების შემუშავებისთვის დაკვირვება ხდება საქართველოში რეგისტრირებულ საწარმოთა ბრუნვაზე. შესაბამისად, 2017 წლის თებერვლის თვეში, გასული წლის იმავე პერიოდთან შედარებით, მათი ბრუნვა გაიზარდა 14.6%-ით. ასევე მნიშვნელოვანია, რომ 2017 წლის იანვარ-თებერვალში 27%-ით არის გაზრდილი საქართველოდან განხორციელებული საქონლის ექსპორტი, 22%-ით - ფულადი გზავნილების მაჩვენებელი, 10.5%-ით - საერთაშორისო ვიზიტორების რაოდენობა, ხოლო ტურიზმიდან მიღებული შემოსავლები (მომსახურების ექსპორტი) გაზრდილია 20.1%-ით“ აღნიშნა ნინო ჯავახაძემ.

 


მისივე განცხადებით, ეკონომიკურ ზრდაში ისეთმა დარგებმა შეიტანეს განსაკუთრებული წვლილი, როგორიცაა დამამუშავებელი მრეწველობა, ტრანსპორტი, განსაკუთრებით - მშენებლობა, ასევე სასტუმროები, რესტორნები და ვაჭრობა.

 


„ზოგადად, დადებითი ტენდენციები აღინიშნება რამდენიმე მიმართულებით. მოგეხსენებათ, რომ საგარეო სექტორს მნიშვნელოვანი გავლენა აქვს ქვეყნის ეკონომიკურ განვითარებასა და ზრდაზე. შესაბამისად, დადებითი ტენდენციებია საგარეო ვაჭრობის კუთხით, ექსპორტის ზრდა არის დაფიქსირებული ისეთ სასაქონლო ჯგუფებში, როგორიცაა ფეროშენადნობები, მინერალური წყლები, ალკოჰოლური სასმელები და სამკურნალო საშუალებები. საგარეო ფაქტორებთან ერთად პოზიტიური ტენდენციები შეინიშნება საშინაო კუთხითაც, რაც დადებითად აისახება კერძო სექტორის საინვესტიციო გადაწყვეტილებებზე “ განაცხადა ნინო ჯავახაძემ.

 


როგორც მინისტრის მოადგილემ აღნიშნა, საქართველოს მთავრობა აღებული კურსის ერთგული რჩება და გააგრძელებს რეფორმებს როგორც 2017 წელს, ასევე მომდევნო წლებშიც, რაც დადებითად აისახება ქვეყნის კეთილდღეობასა და ბიზნესგარემოს გაუმჯობესებაზე.

 

 

ეკონომიკის სამინისტროს ცნობით, მაღალი ეკონომიკური ზრდა მნიშვნელოვანწილად განაპირობა საქართველოს საგარეო ვაჭრობის გაუმჯობესებულმა მონაცემებმა და ექსპორტის ზრდამ.

 


კერძოდ: 2017 წლის იანვარ-თებერვალში გაიზარდა: ფეროშენადნობების ექსპორტი 430%-ით; ღვინის ექსპორტი 61.4%-ით; სამკურნალო საშუალებების ექსპორტი 88%-ით; მინერალური წყლების ექსპორტი 27.5%-ით; სპირტიანი სასმელების ექსპორტი 35%-ით.



2017 წლის იანვარ-თებერვალში საქართველოდან განხორციელებული საქონლის ექსპორტი 27%-ით გაიზარდა (იანვარში 44.7%-ით, თებერვალში-12.7%-ით).

 

 

საქონლის ექსპორტის ზრდა მნიშვნელოვნადაა დაკავშირებული ძირითად სავაჭრო პარტნიორ ქვეყნებში ეკონომიკური მდგომარეობის გაუმჯობესებასა და შესაბამისად ექსპორტირებულ პროდუქციაზე მოთხოვნის ზრდასთან.

 


საერთაშორისო ვაჭრობის გარდა, 2017 წლის იანვარ-თებერვალში გაუმჯობესდა ზრდის ხელშემწყობი სხვა ფაქტორებიც, მათ შორის:

 


22%-ით გაიზარდა ფულადი გზავნილების მაჩვენებელი (იანვარში 26%-ით, თებერვალში 18%-ით) და მათმა მოცულობამ 324.4 მლნ. აშშ დოლარი შეადგინა. ფულადი გზავნილები შიდა მოთხოვნის ერთ-ერთი მნიშვნელოვანი კომპონენტია, შესაბამისად მისი ზრდა დადებითად აისახება ეკონომიკურ ზრდაზე.

 


10.5%-ით გაიზარდა საერთაშორისო ვიზიტორების რაოდენობა საქართველოში (იანვარში 20%-ით, თებერვალში 2.1%-ით), მათმა რიცხვმა 755 ათასი შეადგინა.

 

 

დაფიქსირდა ტურისტების 24.3%-იანი ზრდა;

 


ტურიზმიდან მიღებული (მომსახურების ექსპორტი) შემოსავლები გაზრდილია 20.1%-ით, რაც აისახა სასტუმროებისა და რესტორნების სექტორის ზრდის მაჩვენებელზე.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი