სამხრეთ კორეის უზარმაზარი სატვირთო გემი, რომელზეც 24 ადამიანი იმყოფებოდა, ატლანტის ოკეანის სამხრეთ ნაწილში დაკარგულად გამოცხადდა.
AFP-ის მიერ გავრცელებული ინფორმაციის თანახმად, რომელიც ურუგვაის საზღვაო ფლოტის წარმომადგენლის სიტყვებს იმოწმებს, გადარჩენილია ორი ფილიპინელი მეზღვაური, რომელიც სამაშველო ბორანზე იპოვეს.
პარასკევს ეკიპაჟის წევრებმა ტექსტი გააგზავნეს, რომელშიც აღნიშნავდნენ, რომ 312 მეტრის სიგრძის გემი Stellar Daisy რთულ მდგომარეობაში იმყოფებოდა.
ურუგვაის სამხედრო-საზღვაო ფლოტმა აღნიშნულ ტერიტორიულ წყლებში სავაჭრო გემებს საგანგაშო შეტყობინებები გაუგზავნა და ისინიც ძებნას შეუდგნენ. სამხედრო-საზღვაო ფლოტის წარმომადგენელმა განაცხადა, რომ სამძებრო ღონისძიებაში ჩართულმა გემებმა საწვავის მძაფრი სუნის შესახებ გაავრცელეს ინფორმაცია.
სამხრეთ კორეის საგარეო საქმეთა სამინისტროს ოფიციალურმა პირმა „როიტერს“ უთხრა, რომ „22 ადამიანის სამძებრო ოპერაცია გრძელდება“.
სამხრეთ კორეამ სამძებრო ოპერაციაში ჩართვა ურუგვაის და ბრაზილიას სთხოვა.
BBC-ის ცნობით, ძალიან დიდი მოცულობის სატვირთო გემი, რომელსაც სამხრეთ კორეული კომპანია უწევდა ოპერირებას და რომელიც 260 000 ტონა ტვირთს იტევს, ბრაზილიიდან გამოემგზავრა და მარშალის კუნძულებისკენ მიემართებოდა. მის ბორტზე 16 ფილიპინელი და 8 სამხრეთ კორეელი იმყოფებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.