თურქი პროკურორი, რომელიც გუშინ ორმა შეიარაღებულმა პირმა დაატყვევა, სპეცოპერაციის მიმდინარეობის დროს დაიღუპა.
“ბიბისის” ცნობით, თურქი პროკურორი და ორი თავდამსხმელი პოლიციის მიერ ჩატარებული სპეცოპერაციის დროს დაიღუპნენ. პროკურორი მეჰმეთ სელიმ ქირაზი, რომელიც 2013 წლის ანტისამთავრობო გამოსვლების დროს დაღუპული თინეიჯერის მკვლელობის საქმეს იძიებდა, მემარცხენე რადიკალური მარქსისტული დაჯგუფების წევრებმა მძევლად გუშინ აიყვანეს.
შეიარაღებული პირები ახალგაზრდის მკვლელობაში დამნაშავე პოლიციელების დასჯას ითხოვდნენ. თავდამსხმელებმა განაცხადეს, რომ თუ მათი მოთხოვნები არ დაკმაყოფილდებოდა, ისინი პროკურორს მოკლავდნენ.
სტამბოლის პოლიციის ხელმძღვანელის, სელამი ალტუნოკის თქმით, პოლიციამ ექვსსაათიანი მოლაპარაკებების შედეგად შეიარაღებულ პირებთან შეთანხმებას მიაღწია, თუმცა მოგვიანებით, სპეცოპერაცია დაიწყო, ვინაიდან პროკურატურის შენობიდან სროლის ხმა ისმოდა.
15 წლის ბერკინ ელვანი 2013 წელს სტამბოლში გამართული მასობრივი დემონსტრაციის დროს მოკლეს. მას ცრემლსადენი გაზის ავზი მოხვდა თავში, რის შედეგადაც ის ცხრა თვის განმავლობაში კომაში იყო, 2014 წლის მარტში კი გარდაიცვალა. მის გარდაცვალებას თურქეთში ახალი საპროტესტო ტალღა მოჰყვა. დაღუპულის მშობლები დამნაშავე პოლიციელის დასჯას ითხოვნდნენ, თუმცა, ამ დრომდე არასრულწლოვანის მკვლელობის გამო არავინ დაუსჯიათ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.