იმ ადამიანების რიცხვმა, რომლებიც მექსიკის საზღვრიდან შეერთებულ შტატებში შესვლისას იქნენ დაპატიმრებულნი, 17 წლის განმავლობაში ყველაზე დაბალ ნიშნულს მიაღწია.

როგორც BBC ამერიკის შეერთებული შტატების საბაჟო და სასაზღვრო დაცვის სამსახურზე დაყრდნობით იუწყება, მარტში 17 000-მდე დაპატიმრება განხორციელდა.

ჰოუმლენდის უსაფრთხოების მდივანმა ჯონ კელიმ კონგრესს უთხრა, რომ დაპატიმრებათა შემცირება „შემთხვევითი არაა“ და ამას იგი პრეზიდენტ ტრამპს მიაწერს.

(ჰოუმლენდის უსაფრთხოების მდივანი ჯონ კელი)

შეერთებული შტატების მთავრობამ სამშაბათს კონტრაქტორებისაგან საზღვრის კედლის საცდელი მაკეტის შეთავაზებების მიღება დაიწყო.

„ჩვენ ვიხილეთ აბსოლუტურად განსაცვიფრებელი ვარდნა იმ მიგრანტების რაოდენობისა, რომლებიც ცენტრალური ამერიკიდან შემოდიან და საშინლად სახიფათო მარშრუტს იყენებენ ცენტრალური ამერიკიდან შეერთებულ შტატებში შემოსასვლელად“, უთხრა სამხედრო-საზღვაო ფლოტის გადამდგარმა გენერალმა ჯონ კელიმ პანელს.

„მარტის მონაცემები დაახლოებით 71%-ით დაბალია 2016 წლის დეკემბერთან შედარებით, როცა რაოდენობამ 58 478 შეადგინა“, აღნიშნა კელიმ და დაამატა:

„მაგრამ, მაშინ როცა უკანონო მიგრაციის შემცირება კარგი ახალი ამბავია, ჩვენ დარწმუნებული უნდა ვიყოთ, რომ ჩვენი სამხრეთის საზღვრის უსაფრთხოება რჩება პრიორიტეტული, რათა დაცული იყოს სახელმწიფო ტერორისტებისა და სხვა კრიმინალებისაგან“.

შეერთებული შტატების საბაჟო და სასაზღვრო დაცვის სამსახურის მონაცემების თანახმად, თებერვალში მექსიკის საზღვარზე 23 589 ემიგრანტი დააპატიმრეს.