აღდგომის დღესასწაულთან დაკავშირებით, თბილისის მეტროპოლიტენი მგზავრებს დილის 4 საათამდე მოემსახურება, – ამის შესახებ ჟურნალისტებს დღეს თბილისის მერიაში ტრანსპორტის საქალაქო სამსახურის უფროსის მოადგილემ მერაბ მამულაშვილმა განუცხადა.
მისივე თქმით, აღდგომის დღესასწაულთან დაკავშირებით, 11 აპრილს, ღამის 12.00 საათიდან დილის 4.00 საათამდე თბილისის მეტროპოლიტენის მუშაობა გახანგრძლივდება. 11 აპრილის 23.00 საათიდან დილის 4.00 საათამდე მეტროპოლიტენი მგზავრებს უფასოდ მოემსახურება.
მისივე განცხადებით, იმისათვის, რომ მოქალაქეებმა შეძლონ სასაფლაოებამდე მისვლა, ამ მიზნით თბილისის მერია სპეციალურ მარშრუტებს დანიშნავს. კერძოდ, მეტრო “დიდუბიდან” ავტობუსები იმოძრავებენ მუხათგვერდისა და ვაშლიჯვრის მიმართულებით. “სადგურის მოედნიდან” და “მარჯანიშვილიდან” კუკიისა და მახათას მთის მიმართულებით, მეტრო “ვარკეთილიდან” ვარკეთილის სასაფლაოს მიმართულებით, ასევე მეტრო “სარაჯიშვილიდან” თბილისის ზღვის მიმართულებით.
რაც შეეხება ვაკის, ვერის სასაფლაოებს, ასევე ავჭალის მიმართულებას, მამულაშვილის განცხადებით, აქ ტრანსპორტი იმუშავებს იმ განრიგით, რაც მათ გააჩნიათ სამუშაო დღეებში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.