საგარეო საქმეთა მინისტრმა, მიხეილ ჯანელიძემ საქართველოში ოფიციალურ ვიზიტად მყოფი ბელგიის სამეფოს პარლამენტის წარმომადგენელთა პალატის პრეზიდენტი ზიგფრიდ ბრაკე მიიღო.
საგარეო უწყების ცნობით, მხარეებმა ისაუბრეს ორმხრივი ურთიერთობის დინამიკაზე, განსაკუთრებით ხაზი გაუსვეს ქვეყნებს შორის საპარლამენტთაშორისო თანამშრომლობის განვითარებისმნიშვნელობას, ამ მხრივ დადებითად შფასდა ზიგფრიდ ბრაკეს განხორციელებული ვიზიტი საქართველოში. შეხვედრაზე საუბარი ასევე შეეხო საქართველოსა და ბელგიას შორის სხვადასხვა სფეროში თანამშრომლობის განვითარების დიდ პოტენციალს და ორივე მხარის მზაობას განავითარონ შემდგომი ურთიერთობები.
ბელგიის პარლამენტის წარმომადგენელთა პალატის თავმჯდომარემ მიხეილ ჯანელიძეს მიულოცა ევროკავშირის/შენგენის სივრცეში უვიზო მიმოსვლის რეჟიმისამოქმედება მიულოცა და კიდევ ერთხელ დაუდასტურა ევროპულ და ევროატლანტიკურ სტრუქტურებში ინტეგრაციის მხარდაჭერა.
საქართველოს საგარეო საქმეთა მინისტრმა ბელგიელ სტუმარს გააცნო საქართველოს ხელისუფლების მიერ, მათ შორის ევროპული ინტეგრაციის გზაზე, განხორციელებული და დაგეგმილი რეფორმები და ევროკავშირთან მიმართებაში საქართველოს მთავრობის პრიორიტეტები. მიხეილ ჯანელიძემ ბელგიის პარლამენტის თავმჯდომარეს ინფორმაცია მიაწოდა საქართველოსოკუპირებულ ტერიტორიებზე არსებულ რთულ ვითარებაზე და მადლობა გადაუხადა ბელგიას საქართველოს ტერიტორიული მთლიანობისა და სუვერენიტეტის მტკიცე მხარდაჭერისთვის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.