საქართველოს პრემიერ მინისტრმა წაბლანის ეკოლოგიური ტრაგედიის მსხვერპლთა ხსოვნას პატივი მიაგო
19-04-2017, 10:03

შრიფტის ზომა: [ A+ ] / [ A- ]

 

საქართველოს პრემიერ მინისტრმა წაბლანის ეკოლოგიური ტრაგედიის მსხვერპლთა ხსოვნას პატივი მიაგო.

 


მთავრობის ადინისტრაციის ცნობით, გიორგი კვირიკაშვილი დღეს ხულოს მუნიციპალიტეტის სოფელ წაბლანაში იმყოფებოდა, სადაც 28 წლის წინ, 1989 წლის 19 აპრილს ჩამოწოლილმა მეწყერმა 23 ადამიანის, მათ შორის სამი ბავშვის სიცოცხლე იმსხვერპლა.

 


პრემიერმა აღნიშნა, რომ ქვეყანას ჯერ კიდევ არ ჰქონდა მოშუშებული 1989 წლის 9 აპრილით გამოწვეული იარა, როდესაც 19 აპრილის ტრაგედიამ 23 ადამიანი შეიწირა.

 


გიორგი კვირიკაშვილმა აჭარის მაღალმთიანეთის განსაკუთრებულობაზე ისაუბრა და აღნიშნა, რომ ეს კუთხე საოცარია უპირველეს ყოვლისა აქ მცხოვრები ადამიანების თვალსაზრისით.

 


აქ ცხოვრობენ განსაკუთრებულად კეთილშობილი და განსაკუთრებულად პატრიოტი ადამიანები, ჩვენი ქვეყნის მოყვარული ადამიანები. საქართველოში არაერთი მთიანი კუთხე დაიცალა სამწუხაროდ. საოცარია, როდესაც ვხედავთ, რომ ამ ურთულეს პირობებში ადამიანები არ ტოვებენ საკუთარ სახლ-კარს და ამაგრებენ ამ კუთხეს, ინარჩუნებენ იმ კულტურულ სიმდიდრეს, რომლითაც ასე მდიდარია მთიანი აჭარა. ქედს ვიხრი თითოეული თქვენგანის გმირობის და პატრიოტიზმის წინაშე. დღეს ჩვენ პატივს მივაგებთ წაბლანელების ხსოვნას", განაცხადა გიორგი კვირიკაშვილმა.

 


პრემიერმა აღნიშნა, რომ დაღუპულთა შორის ბევრი შაინიძეა და გაიხსენა მამის მეგობარი ვალერიან შაინიძე, რომელმაც აჭარა შეაყვარა.

 


ჩვენ ჩამოვდიოდით ხოლმე ძალიან ხშირად ბათუმში და ეს ადამიანი იყო ჩვენი მასპინძელი. მე განსაკუთრებით დადებითი ემოციები მაკავშირებს. ალბათ წარმოშობით ისიც აქედან იყო. იცოდეთ, რომ თქვენი და ჩვენი ტკივილი არ არსებობს, არსებობს ჩვენი საერთო ტკივილი, საერთო ვარამი და ამ სოფლის მცხოვრებთა ტკივილი არის ჩვენი ტკივილი",  განაცხადა გიორგი კვირიკაშვილმა.

 


პრემიერის თქმით, მთავრობა მაქსიმალურად ცდილობს, სამწუხაროდ წლების მანძილზე გადაუწყვეტელი პრობლემა დღეს გადაწყვიტოს და სტიქიის შედეგად დაზარალებულებს საკუთარი ჭერი ჰქონდეთ. გიორგი კვირიკაშვილის განცხადებით, უკვე გამოყოფილია შესაბამისი დაფინანსება, ასევე, სახელმწიფოსთან ერთად, პროცესში ჩართულია ინვესტორი კომპანია აჭარისწყალი" და შენდება საცხოვრებელი, რომელშიც ტრაგედიის შედეგად უსახლკაროდ დარჩენილები თავშესაფარს, მუდმივ ჭერს მიიღებენ.

 


ეს ზღვაში წვეთია იმასთან შედარებით, რა გეგმებიც გვაქვს მთიან აჭარასთან მიმართებაში. ეს გზა, რომელიც მშენებლობის შედეგად დაზიანდა, აუცილებლად გაიმართება და იქნება ევროპული სტანდარტის სამთო გზის შესაბამისი. აუცილებლად აშენდება ხულო-ზარზმის, ხულო-ბეშუმის გზა. უკვე დავიწყეთ მთიანი აჭარის გაზიფიკაცია და ხელვაჩაურიდან ხიჭაურამდე; გაზსადენის მშენებლობის საკითხიც გადაწყვეტილია. ძალიან ბევრი რამ გაკეთდება და შეგვიძლია გითხრათ, რომ ამ რაიონის მცხოვრებლები ძალიან მარტივად დაუკავშირდებიან ქალაქ ბათუმსა და სხვა რაიონებს სამცხე-ჯავახეთის მიმართულებით. ყველა თქვენგანი არის ჩვენთვის ძალიან მნიშვნელოვანი, ყველა ის ადამიანი, რომელიც ამ ძალიან მდიდარ კუთხეს, მაგრამ ყველაზე მეტად მდიდარს კულტურულ-ტრადიციული სიმდიდრით კიდევ უფრო ამდიდრებს. ჩვენ ძალიან გვახარებს, რომ საქართველო არის სამაგალითო ქვეყანა ამ თვალსაზრისით - ჩვენ ერთად ვაშენებთ ძალიან ძლიერ ქვეყანას, რომელსაც ჩვენი საქართველო, ჩვენი სამშობლო ჰქვია. კიდევ ერთხელ მინდა მოგისამძიმროთ ამ კუთხის მცხოვრებლებს და მინდა იცოდეთ, რომ ჩვენი ვარამი და ჩვენი სიხარული ერთია, ჩვენ გვაერთიანებს ერთიანი, ძლიერი საქართველოს მშენებლობის სურვილი. იცოდეთ, რომ ჩვენ ყოველთვის თქვენს გვერდით ვართ", მიმართა პრემიერ მინისტრმა მოსახლეობას.

 


მემორიალთან პრემიერ მინისტრი აჭარის ავტონომიური რესპუბლიკის მთავრობის თავმჯდომარესა და შინაგან საქმეთა მინისტრთან ერთად იმყოფებოდა.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ესპანეთის პოლიციამ განაცხადა, რომ ქალაქ კამბრილსში 5 ადამიანი მოკლა იმისათვის, რათა შეეჩერებინა ფურგონით მეორე თავდასხმის მცდელობა მას შემდეგ რაც ბარსელონაში ხუთშაბათს ტეორორისტული აქტი მოხდა.

ამერიკის შეერთებული შტატების პრეზიდენტის, დონალდ ტრამპის მთავარმა სტრატეგმა, სტივ ბანონმა თანამდებობა დატოვა. ინფორმაციას ამ წუთებში აშშ-ის მედია ავრცელებს.

ყველაზე კითხვადი
  1. პრეზიდენტმა ტრამპმა განაცხადა, რომ ტრანსგენდერი ადამიანები ვერ იმსახურებენ „ვერც ერთ თანამდებობაზე“ აშშ-ის არმიაში
  2. მიხეილ სააკაშვილი: ქართველი ხალხი გამოვა ქუჩებში და გააძევებს ივანიშვილს, როგორც კი მე გამოვჩნდები თბილისში
  3. ნიკა მელიამ მაიკ პენსს უთხრა: „ბატონო ვიცე-პრეზიდენტო, ხელისუფლება იმართება ‘გაზპრომის’ აქციონერის, ბიძინა ივანიშვილის მიერ, რომელსაც არ უკავია არავითარი ოფიციალური თანამდებობა“
  4. ოფიციალურმა ფხენიანმა განაცხადა, რომ აშშ-ის ტერიტორიაზე რაკეტების დარტყმის გეგმა „აგვისტოს შუა პერიოდისთვის“ იქნება მზად
  5. სერგეი ლავროვმა განაცხადა, რომ ჩრდილოეთ კორეის სამხედრო კონფლიქტის ალბათობა ძალიან მაღალია
  6. ლადო პაპავა ჯეჯელავას წინააღმდეგ: „გასაგებია, რომ პრემიერ მინისტრი კრონიზმის სენითაა დაავადებული, მაგრამ „ქართულ ოცნებას“ ხომ ჰყავს სხვა ლიდერებიც, მათ რაღა დაემართათ?“
  7. კიმ ჩენ ინმა აშშ-ის ტერიტორიის, გუამის მიმართულებით რაკეტების გაშვების გადაწყვეტილება გადადო
  8. შიშობენ, რომ ასეულობით ადამიანია მოყოლილი მეწყერში, რომელიც სიერა ლეონეს დედაქალაქის სიახლოვეს ჩამოწვა და სახლები მთლიანად დაფარა
  9. ალექსეი სტოლიაროვმა განაცხადა, რომ მინისტრ მღებრიშვილთან სააკაშვილზე ჩაწერილი სატელეფონო საუბარი ნამდვილია და ის „შეუძლია გადასცეს ნებისმიერ ექსპერტიზას“
  10. ჩრდილოეთ კორეის ბალისტიკურმა რაკეტამ Air France-ის „ბოინგ-777“-ს, რომელზეც 330 მგზავრი იმყოფებოდა, 100 კილომეტრის სიახლოვეს ჩაუარა
ბოლო სიახლეები
ამინდის პროგნოზი
ვალუტის კურსი