ევროკავშირის აღმოსავლეთ პარტნიორობის პროგრამის ,,შემოქმედებითი ქალაქებისა და რეგიონების ინიციატივის“ ფარგლებში, ქალაქ დუშეთში სამუშაო შეხვედრა გაიმართა.
როგორც Guardian.ge-ს დუშეთის მუნიციპალიტეტის გამგეობიდან აცნობეს, პროექტის მიზანია, კულტურულ და შემოქმედებით სექტორში პოტენციურად დაინტერესებული პირების ცნობიერების ამაღლება, ადგილობრივი კულტურული ლანდშაფტების განვითარების გეგმების შემუშავება თანამედროვე მეთოდოლოგიის გამოყენებით და სხვა მუნიციპალიტეტებთან მჭიდრო ურთიერთკავშირის ჩამოყალიბება, რომელიც რეგიონს შემოქმედებითი პოტენციალის განვითარებაში დაეხმარება.
სამუშაო შეხვედრაზე განხილული იქნა სექტორის განვითარების საერთაშორისო პრაქტიკა, ადგილობრივი კულტურული და შემოქმედებითი ინდუსტრიების პოტენციალი და პროექტში დაგეგმილი კვლევისა და სამოქმედო გეგმის შემუშავების მეთოდიკა.
შეხვედრას დუშეთის მუნიციპალიტეტის გამგებელი ვაჟა ჩოხელი, „მცხეთა-მთიანეთის რეგიონალური განვითარების“ სააგენტოს ხელმძღვანელი შალვა გივიშვილი, ფორუმის- ,,შემოქმედებითი საქართველოს’’ აღმასრულებელი დირექტორი ზვიად მჭედლიშვილი, ექსპერტი რაგნარ სილი, პროექტის კოორდინატორი გიორგი რაზმაძე, კულტურულ და შემოქმედებით სექტორში მოქმედი ორგანიზაციებისა და დუშეთის მუნიციპალიტეტის გამგეობის სხვადასხვა სამსახურის წარმომადგენლები ესწრებოდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.