ირანულმა მხარემ მზადყოფნა გამოთქვა, ითანამშრომლოს საქართველოსთან ენერგეტიკის სფეროში, მათ შორის, ელექტროენერგიის გაცვლისა და საქართველოსთვის ირანული გაზის მიწოდების მიმართულებით
22-04-2017, 03:49

შრიფტის ზომა: [ A+ ] / [ A- ]

 

საქართველოს პრემიერ მინისტრისა და ირანის რესპუბლიკის პირველი ვიცე-პრეზიდენტის შეხვედრის შემდეგ, ორ ქვეყანას შორის მოლაპარაკებები გაფართოებულ ფორმატში გაგრძელდა.

 


პრემიერ მინისტრის პრესსამსახურის ცნობით, საუბრის ძირითადი თემები იყო სატრანსპორტო და სატრანზიტო დერეფნების, მათ შორის, სპარსეთის ყურე-შავი ზღვის დერეფნის განვითარება, ენერგეტიკის, სოფლის მეურნეობისა და საბანკო სფეროებში თანამშრომლობა.

 


ირანულმა მხარემ მზადყოფნა გამოთქვა, ითანამშრომლოს საქართველოსთან ენერგეტიკის სფეროში, მათ შორის, ელექტროენერგიის გაცვლისა და საქართველოსთვის ირანული გაზის მიწოდების მიმართულებით.

 


შეხვედრისას, მხარეებმა განსაკუთრებული ყურადღება დაუთმეს ორმხრივი ეკონომიკური კავშირების განვითარების მნიშვნელობას და შეთანხმდნენ, რომ საქართველო-ირანის მთავრობათაშორისი ეკონომიკური კომისიის შემდეგი სხდომა მიმდინარე წლის ზაფხულში, საქართველოში გაიმართება.

 


საუბარი ასევე შეეხო ორმხრივ თანამშრომლობას სოფლის მეურნეობის, ფიტოსანიტარულ სფეროებში, ასევე, კულტურისა და მეცნიერების, ინოვაციებისა და მაღალი ტექნოლოგიების მიმართულებით.

 


გაფართოებული შეხვედრის შემდეგ, ხელი მოეწერა ურთიერთგაგების მემორანდუმებს ირანის კომუნიკაციებისა და საინფორმაციო ტექნოლოგიების სამინისტროსა და საქართველოს ეკონომიკისა და მდგრადი განვითარების სამინისტროს, ასევე საქართველოსა და ირანის სოფლის მეურნეობის, სპორტისა და ახალგაზრდობის საქმეთა, გარემოს დაცვის სამინისტროებს შორის. დოკუმენტებს საქართველოს მხრიდან, საგარეო საქმეთა მინისტრმა მიხეილ ჯანელიძემ, ეკონომიკისა და მდგრადი განვითარების მინისტრმა, გიორგი გახარიამ და გარემოსა და ბუნებრივი რესურსების დაცვის მინისტრმა, გიგლა აგულაშვილმა მოაწერეს ხელი. ასევე, გაფორმდა რამდენიმე შეთანხმება საქართველოსა და ირანის კერძო სექტორის წარმომადგენლებს შორის.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი