თბილისში, ნაძალადევის რაიონში საცხოვრებელი კორპუსების ინფრასტრუქტურის მოწესრიგება მიმდინარეობს.
დედაქალაქის მერიის ცნობით, ამ ეტაპზე აღდგენითი სამუშაოები 47 მისამართზე ხორციელდება. გურამიშვილის გამზ. #48-50-ში მიმდინარე პროექტებს თბილისის მერის მოადგილე გიგა ნიკოლეიშვილი ნაძალადევის რაიონის გამგებლთან, ირაკლი ხელაძესთან ერთად გაეცნო.
„გურამიშვილის გამზ. #50-ში, ნაძალადევის რაიონის გამგეობის თანადაფინანსებით, სახურავის რეაბილიტაცია 1685 კვ.მ ფართობზე მიმდინარეობს. ამავე მისამართზე უკვე გამოიცვალა წყალსაწრეტი მილები. პარალელურად, თბილისის მერიის კეთილმოწყობის საქალაქო სამსახურის დაკვეთით, კორპუსის გამაგრებითი სამუშაოები ხორციელდება. რაც შეეხება გურამიშვილის #48-ს, აქ გამგეობის დაფინანსებით, იცვლება კანალიზაციის შიდა ქსელი. უახლოეს მომავალში კი დაიწყება კორპუსის სახურავის რეაბილიტაცია.
ბინათმესაკუთრეთა ამხანაგობების ხელშეწყობის პროგრამის ფარგლებში მიმდინარე სამუშაოების საერთო ღირებულება 657 232 ლარია. 2017 წლის იანვრიდან დღემდე ნაძალადევის რაიონის გამგეობის დაკვეთით, სხვადასხვა ტიპის ინფრასტრუქტურული სამუშაოები 53 კორპუსში განხორციელდა. დასრულებული პროექტების მთლიანი ღირებულება 547 560 ლარია" ნათქვამია მერიის მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.