საქართველოსა და რუმინეთის მთავრობები პოლიტიკური, ეკონომიკური, ენერგეტიკული, სატრანზიტო და კულტურულ-ჰუმანიტარული მიმართულებებით თანამშრომლობის გაღრმავებაზე შეთანხმდნენ - მთავრობის ადმინისტრაციის ცნობით, ამის შესახებ ორი ქვეყნის პრემიერ მინისტრების ხელმძღვანელობით გამართულ გაფართოებულ შეხვედრაზე აღინიშნა.
ხაზი გაესვა თავდაცვის, იუსტიციისა და შინაგან საქმეთა სფეროებში თანამშრომლობის კუთხით არსებულ დინამიკას. ყურადღება გამახვილდა ენერგეტიკულ და სატრანზიტო ურთიერთობებზე, ტურიზმის განვითარების შესაძლებლობებსა და ინვესტიციების მოზიდვის მიზნით ბიზნესწრეების დაახლოების მნიშვნელობაზე.
გაფართოებულ შეხვედრაზე გადაწყდა, რომ უახლოეს მომავალში საქართველოში ეკონომიკური თანამშრომლობის საბჭოს სხდომა და ერთობლივი ბიზნესფორუმი გაიმართება.
ქართულმა მხარემ რუმინეთის მთავრობის წევრებს ევროკავშირთან ასოცირების შეთანხმების ფარგლებში მიმდინარე ფართომასშტაბიანი რეფორმების დღის წესრიგი გააცნო და ხაზი გაუსვა, რომ საქართველოს მიზანი ევროკავშირთან პოლიტიკური ასოცირება და ეკონომიკური ინტეგრაციაა.
მხარეებმა ისაუბრეს შავი ზღვის რეგიონის უსაფრთხოების საკითხებთან დაკავშირებულ თემებზე და საქართველოს ოკუპირებულ ტერიტორიებზე უსაფრთხოებისა და ადამიანის უფლებების კუთხით არსებულ პრობლემებზე.
რუმინულმა მხარემ კიდევ ერთხელ დაადასტურა მტკიცე მხარდაჭერა საქართველოს სუვერენიტეტისა და მისი ტერიტორიული მთლიანობისადმი და მიესალმა საქართველოს მიღწეულ პროგრესს ევროკავშირთან და ნატო-სთან დაახლოების კუთხით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.