პრეზიდენტმა დონალდ ტრამპმა Obamacare (ობამას მიერ მიღებული ჯანდაცვის კანონი) „მკვდრად“ გამოაცხადა მას შემდეგ, რაც „რესპუბლიკელების“ ჯანდაცვის კანონპროექტი ხმების მცირე უპირატესობით - 217 ხმით 213 -ის წინააღმდეგ გავიდა კონგრესის ქვედა პალატაში.

ობამას ჯანდაცვის კანონის შეცვლა ტრამპის საარჩევნო კამპანიის ერთ-ერთი მთავარი დაპირება იყო.

„დემოკრატების“ განცხადებით, ამერიკის ჯანდაცვის აქტი მილიონობით ადამიანს ტოვებს დაუზღვეველს.

როგორც BBC იუწყება, კანონპროექტი ახლა სენატში გადაიგზავნება, სადაც „რესპუბლიკელებმა“ აჩვენეს, რომ მას შეცვლიან და ახალ კანონს დაწერენ.

იმ დროს, როდესაც კანონმდებლები კონგრესს ტოვებდნენ, კაპიტოლ ჰილის წინ შეკრებილი პროტესტანტები გაჰყვიროდნენ „სირცხვილი თქვენ!“ მაგრამ საზეიმო მომენტები იყო თეთრი სახლის პატარა მდელოზე, სადაც პრეზიდენტმა წარმომადგენლობითი პალატის „რესპუბლიკელი“ წევრებისთვის მიღება გამართა.

ექვსი კვირის წინათ ჯანდაცვის კანონის მიღების პერსპექტივა ბუნდოვანი ჩანდა, რადგან ტრამპის მხარდამჭერებს საჭირო ხმების რაოდენობა არ გააჩნდათ. მაგრამ კანონპროექტში რამდენიმე ცვლილება შევიდა, რათა დაკმაყოფილებულიყო „რესპუბლიკელების“ როგორც კონსერვატიული, ისე ზომიერი ფრთის ამბიციები.

ტრამპმა ვარდების ბაღში ტრიუმფალურად გამოაცხადა: „არ დაუშვათ შეცდომა, ეს არის ანულირება“, თქვა მან და დაამატა, რომ Obamacare „არსებითად მკვდარია“.