სამტრედიის მუნიციპალიტეტში 2017 წელს მრავალი მილიონი ლარის არაერთი მნიშვნელოვანი ინფრასტრუქტურული პროექტი განხორციელდება. ერთ-ერთი მთავარი მიმართულება, რაზეც ადგილობრივმა ხელისუფლებამ აქცენტი გააკეთა, საგზაო ინფრასტრუქტურის მოწესრიგებაა.

სამტრედიის მუნიციპალიტეტის გამგებლის, ვალერიანე ფოცხვერიას თქმით, დაბა კულაშში, აღმაშენებლის, თამარ მეფის, გაგოშიძის და 9 აპრილის ქუჩაზე, სოფ. მიწაბოგირის მიმართულებით ასფალტ-ბეტონის გზის დაგებაზე ნახევარ მილიონზე მეტი, 503 938 ლარი დაიხარჯება.

ფოცხვერიას ინფორმაციით, ასფალტ-ბეტონის გზები დაიგება ასევე სოფ. ბაშში, ქვედა ბაშის პირველი მოსაცდელიდან სოფლის ცენტრამდე (199 985 ლარი); ნაბაკევის თემში, სოფ. ნინუა-კუთხეში (166.500.0 ლარი); ეწერი-ჯიხაიშის დამაკავშირებელ გზაზე, პატარა ეწერის სასაფლაოდან ე.წ. საწურბლიამდე (152.445.0 ლარი); სოფელ იანეთში, მე-3 ქუჩაზე წმ. გიორგის სახელობის ტაძრამდე (161.500.0 ლარი); ქ. სამტრედიაში, მაიაკოვსკის, დიდგორის, სოლომონ მეფის და დუმბაძის ქუჩებზე (413.781.0 ლარი); ქ. სამტრედიაში ბახტაძის, ახალგაზრდობის, ცაბაძის და ქუთაისის ქუჩებზე (363.409.0 ლარი); ქ. სამტრედიაში, ხიბლარის, გამრეკელიძის, ნ. ადეიშვილის ქუჩებზე, რუსთაველის მე-2 ჩიხი, ბესიკის ქუჩა და ბესიკის პირველი ჩიხი, არგონავტების ქუჩა და არგონავტების პირველი ჩიხი, გამსახურდიას მე-2 შესახვევი, ჭანტურიას მე-2 და მე-4 ჩიხში (464.115.0 ლარი); ქ. სამტრედიაში, ქაროსანიძის, პეკინის, ჩოლოყაშვილის, ერისთავის, ნიკურაძის, ორბელიანის, კრავეიშვილის, რესპუბლიკის ჩიხში დავით აღმაშენებლის ტაძრამდე (321.497.0 ლარი). გარდა ამისა, მოხდება მრავალსართულიანი ბინების გადახურვა, რასაც 243.500.0 ლარი მოხმარდება.

ვალერიანე ფოცხვერიას განცხადებით, პროექტის მთლიანი ღირებულების ფარგლებში მიმდინარე წელს ასანაზღურებელი თანხა 2.990.670.0 ლარს, პროექტის განხორციელებისთვის გამოყოფილი თანხა კი 2.048.764.0 ლარს შეადგენს.

აღნიშნული პროექტები რეგიონული განვითარების ფონდიდან და ადგილობრივი ბიუჯეტიდან დაფინანსდება.