საქართველოში ევროპის რეკონსტრუქციისა და განვითარების ბანკის საქმიანობა განიხილეს საქართველოს პირველმა ვიცე პრემიერმა, ფინანსთა მინისტრმა, დიმიტრი ქუმსიშვილმა და ევროპის რეკონსტრუქციისა და განვითარების ბანკის პირველმა ვიცე პრეზიდენტმა, ფილიპ ბენეტმა. ფინანსთა სამინისტროს ცნობით, შეხვედრა კვიპროსის ქალაქ ნიქოზიაში ბანკის წლიური ფორუმის ფარგლებში მოეწყო.
შეხვედრაზე დიმიტრი ქუმსიშვილმა ვრცლად ისაუბრა საქართველოს მთავრობის 4-პუნქტიან გეგმასა და იმ რეფორმებზე, რომლებიც მის ფარგლებში ხორციელდება.
„აღინიშნა, რომ ევროპის რეკონსტრუქციისა და განვითარების ბანკი ნდობას უცხადებს აღნიშნულ პოლიტიკას, რაც აისახა ბანკის 2016 წლის დეკემბერში მიღებულ სტრატეგიაში საქართველოს შესახებ. აღნიშნული სტრატეგია ეფუძნება მთავრობის 4-პუნქტიან გეგმას, მის მიზნებსა და ამოცანებს.
დიმიტრი ქუმსიშვილმა დადებითად შეაფასა საქართველოში ევროპის რეკონსტრუქციისა და განვითარების ბანკის საქმიანობა. აღინიშნა, რომ ბანკის მიერ განხორციელებული პროექტები ხელს უწყობს საქართველოს ეკონომიკის განვითარებას, რაც ჯამურად 3 მლრდ ევროს მოცულობის 200 პროექტს წარმოადგენს. ბანკი წარმოდგენილია საქართველოს ეკონომიკის ისეთ მნიშვნელოვან სექტორებში, როგორიცაა: ენერგეტიკა, მუნიციპალური ინფრასტრუქტურის განვითარება, საბანკო სექტორი, სოფლის მეურნეობა და სხვა. ამასთან, ევროპის რეკონსტრუქციისა და განვითარების ბანკი საქართველოს კერძო სექტორის ერთ-ერთი უმსხვილესი დამფინანსებელია.
შეხვედრაზე აღინიშნა, ბანკის მნიშვნელოვანი წვლილი საქართველოში კაპიტალის ბაზრის განვითარების, დეპოზიტების დაზღვევის სისტემისა და საჯარო-კერძო თანამშრომლობის ჩარჩო მექანიზმის ამოქმედების მიმართულებით.
შეხვედრის დასასრულს, მხარეებმა განიხილეს ევროპის რეკონსტრუქციისა და განვითარების ბანკის მიმდინარე და სამომავლო პროექტები", აღნიშნულია ფინანსთა სამინისტროს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.