ადიგენის მუნიციპალიტეტში სპორტისა და ახალგაზრდობის საქმეთა სამინისტროს სსიპ ,,ბავშვთა და ახალგაზრდობის ეროვნული ცენტრის“ და ადგილობრივი თვითმმართველობის ორგანიზებით გამართული სპორტული ფესტივალის შესარჩევი ტურნირი დასრულდა.
ადიგენის გამგეობის ცნობით, ღონისძიების ფარგლებში, შეჯიბრებები გოგონებსა და ვაჟებს შორის საბავშვო ქუჩის ფეხბურთსა და კალათბურთში, ჭადრაკსა და სპრინტში გაიმართა.
საბავშვო ქუჩის ფეხბურთში ვაჟებს შორის, ადიგენის მუნიციპალიტეტის პირველობა დაბა ადიგენის საჯარო სკოლის მოსწავლეებმა მოიპოვეს, ხოლო გოგონებს შორის დიდი სმადის საჯარო სკოლის გუნდმა გაიმარჯვა.
სპრინტში ვაჟებს შორის პირველობა არავის დაუთმო ვარხანის საჯარო სკოლამ, გოგონებს შორის კი გამარჯვება დიდი სმადის საჯარო სკოლის მოსწავლემ მოიპოვა.
ღონისძიებას ადიგენის მუნიციპალიტეტის გამგებელი ზაქარია ენდელაძე და გამგეობის კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურის წარმომადგენლები ესწრებოდნენ.
რეგიონულ ჩემპიონატზე გამარჯვებულ სპორტსმენებს საქართველოს 12 რეგიონიდან 8 დღით უმასპინძლებს ,,მომავლის ბანაკი“ ანაკლიაში, სადაც საქართველოს ჩემპიონი გამოვლინდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.