თავდაცვის სამინისტროს სპორტული სამსახურის ორგანიზებით, საქართველოს შეიარაღებულ ძალებში ფრენბურთის ტურნირი გაიმართა.
უწყების ცნობით, შეჯიბრში აღმოსავლეთ და დასავლეთ სარდლობების სხვადასხვა ქვედანაყოფების, ასევე ეროვნული გვარდიის სამხედრო მოსამსახურეებმა მიიღეს მონაწილეობა.
ტურნირი ვაჟა კაჭარავას სახელობის საფრენბურთო ოლიმპიური მომზადების ცენტრის დარბაზში ჩატარდა. ტურნირის მსვლელობას ფრენბურთის ფედერაციიდან მოვლენილი მსაჯები აკვირდებოდნენ.
გამარჯვებულები სამ საპრიზო კატეგორიაში გამოვლინდნენ. პირველი ადგილის მფლობელი საქართველოს შეიარაღებული ძალების II ქვეითი ბრიგადის გუნდი გახდა. მეორე ადგილზე ეროვნული გვარდიის გუნდი გავიდა, ხოლო მესამე ადგილი I საარტილერიო ბრიგადის სამხედრო მოსამსახურეებს ერგოთ წილად. გამარჯვებულ გუნდს ჩემპიონატის თასი გადაეცა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.