სამშობლოს დაცვა რჩეულთა ხვედრია, რომელსაც სხვისი სიცოცხლის გადასარჩენად და ქვეყნის ღირსების დასაცავად, თავგანწირვის ღვთიური ძალა გააჩნია, აღნიშნული განცხადება საქართველოს თავდაცვის მინისტრმა, ლევან იზორიამ თავისუფლების მოედანზე საქართველოს დამოუკიდებლობის დღისადმი მიძღვნილ ღონისძიებაზე გააკეთა.
მინისტრმა მოსახლეობას დამოუკიდებლობის დღე და 300-ზე მეტი წვევამდელის სამხედრო ფიცის მიღება მიულოცა.
„ქვეყნის თავდადება მუდამ იყო და არის ქართული მხედრული სულის სიმტკიცის საფუძველი. ამიტომაც, ქართულ მართლმადიდებელ ეკლესიაში ქართული მხედრობის ლოცვა ერის განსაკუთრებული მადლიერების გამოხატულება. ჩვენ, პირველ რიგში, სამშობლოსთვის თავგანწირულ გმირებზე ლოცვა და მათი სახელების უკვდავყოფა გვაძლიერებს. მადლობა მათ, ვინც ეს დღე თავგანწირვითა და თავდადებით მოგვიტანა. ჩვენს ერთიანობას და თავდადებას ყველა ეპოქაში გაფრთხილება და დაცვა სჭირდება. არც თავისუფლება არსებობს მისი დაცვის ვალდებულების გარეშე", განაცხადა იზორიამ.
ცერემონიას თავდაცვის მინისტრთან ერთად, ქპრეზიდენტი, პრემიერ მინისტრი და მინისტრთა კაბინეტის წევრები, დიპლომატიური კორპუსის წარმომადგენლები და საქართველოს კათოლიკოს პატრიარქი ესწრებიან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.