ყოვლადწმიდა სამების საკათედრო ტაძარში გარდამოხსნა დააბრძანეს. გარდამოხსნა ტაძარში სრულიად საქართველოს კათოლიკოს-პატრიარქმა ილია მეორემ სასულიერო პირებთან ერთად გამოაბრძანა.
მღვდელმსახურთ გარდამოხსნა ეჭირათ, რომელიც უწმინდესს თავზე ჰქონდა გადაფარებული. მათ მსვლელობით, გარდამოხსნა ტაძარში ერთხელ შემოატარეს და მისთვის წინასწარ მომზადებულ სადგამზე დაასვენეს.
გარდამოხსნა ქსოვილია, რომელზეც ჯვრიდან გარდამოხსნილი მაცხოვარია გამოსახული. სასულიერო პირებმა გარდამოხსნის წინაშე დაიჩოქეს. იგი ტაძარში აღდგომის ღამემდე იქნება დაბრძანებული და მრევლს შესაძლებლობა ექნება მას ემთხვიოს. ტაძარში მანამდე წაიკითხეს წმინდა სახარებიდან ადგილი, სადაც პილატეს სამსჯავროზე, უფლის ჯვარცმაზე და მის დაფვლაზე იყო საუბარი.
ტაძარში, ასევე ღვთისმშობლის დატირება წაიკითხეს, შესრულდა დავით გურამიშვილის ლექსზე შექმნილი საგალობელი "იესო".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.