ერაყის შეიარაღებულმა ძალებმა განაცხადეს, რომ ქალაქ მოსულის ძველ ნაწილში - ბოლო რაიონში, რომელსაც „ისლამური სახელმწიფო“ აკონტროლებს - იერიში წამოიწყეს.
სპეციალური ძალები ძველ რაიონში დასავლეთიდან მიიწევენ წინ, სამხრეთ ნაწილის ფრონტი კი ფედერალურ პოლიციას აქვს გახსნილი, ნათქვამია განცხადებაში.
გაერთიანებული ერების ორგანიზაციის განცხადებით, ქალაქ მოსულის მჭიდროდ დასახლებულ ძველ ნაწილში 100,000 ადამიანი მაინცაა მომწყვდეული. მათ უთხრეს, რომ დატოვონ ადგილი, თუკი ამას შეძლებენ.
გაერო-ს ინფორმაციით, გასული ორი კვირის განმავლობაში დაახლოებით 230 მშვიდობიანი მოქალაქე იქნა მოკლული დასავლეთ მოსულში. მათგან ზოგი საჰაერო დარტყმების, ზოგი სარაკეტო თავდასხმების და ზოგიც „ისლამური სახელმწიფოს“ სნაიპერების ცეცხლსასროლი ირაღიდან გასროლილი ტყვიების მსხვერპლი გახდა იმ დროს, როცა ისინი გაქცევას ცდილობდნენ, იტყობინება BBC (ბრიტანული სამაუწყებლო კორპორაცია).
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.