სრულიად საქართველოს კათოლიკოს-პატრიარქის, უწმინდესისა და უნეტარესის ილია მეორის მიერ გუშინ, საკონსტიტუციო მონარქიასთან დაკავშირებით გაკეთებულ განცხადებას, პარლამენტის თავმჯდომარე გამოეხმაურა და აღნიშნა, რომ „რაც ბრძანა უწმინდესმა და უნეტარესმა არის ჭეშმარიტება“.
ირაკლი კობახიძე აცხადებს, რომ ექნებათ პატრიარქთან შეხვედრა და აღნიშნულ საკითხთან დაკავშირებით გუნდში მსჯელობა გაიმართება.
„ჩვენ აუცილებლად გვექნება პატრიარქთან შეხვედრა. ამ შეხვედრის შემდეგ გახდება შესაძლებელი განცხადებების გაკეთება. რაც ბრძანა უწმინდესმა და უნეტარესმა არის ჭეშმარიტება - საუბარია იმაზე, რომ კონსტიტუციურ მონარქიას შემოაქვს სიმშვიდე პოლიტიკურ და საზოგადოებრივ ცხოვრებაში. ჩვენ უნდა გავითვალისწინოთ ყველა ფაქტორი, მათ შორის ჩვენი სპეციფიკა, ადგილობრივი სპეციფიკა, ქვეყნის სპეციფიკა. ამასთან დაკავშირებით გვექნება საუბარი და ამის შემდეგ შესაძლებელი იქნება კომენტარების გაკეთება”, განაცხადა კობახიძემ თემის კომენტირებისას და დაამატა, რომ „ზოგადად, კონსტიტუციური მონარქია პრეზიდენტის ინსტიტუტს გამორიცხავს”.
საქართველო არის უძველესი მონარქია - კონსტიტუციურ მონარქიას სიმშვიდე შემოაქვს ქვეყანაში, აღნიშნული განცხადება პატრიარქმა კვირას, სამების ტაძარში საკვირაო ქადაგებისას გააკეთა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.