საპარლამენტო უმრავლესობა „ქართული ოცნების" ოფისში შს მინისტრს, გიორგი მღებრიშვილს შეხვდა. როგორც შეხვედრიდან გამოსულმა პარლამენტის აგრარული კომიტეტის თავმჯდომარემ, ოთარ დანელიამ განაცხადა, შეხვედრა გუნდის გადაწყვეტილებით შედგა.
„ეს იყო შეხვედრა მინისტრთან, ეს იყო გუნდის გადაწყვეტილება, რომ იმ თემებთან დაკავშირებით რაც მნიშვნელოვანია, ჩვენ უშუალოდ მინისტრისგან მოგვესმინა. ეს რომ საჯარო განხილვის თემა ყოფილიყო, ჩვენ საჯარო განცხადებებს გავაკეთებდით,“ განაცხადა ოთარ დანელიამ ჟურნალისტებთან საუბრისას.
პარლამენტის სპორტისა და ახალგაზრდულ საქმეთა კომიტეტის თავმჯდომარის პირველი მოადგილის, შოთა ხაბარელის თქმით, შეხვედრაზე ყველა აქტუალური საკითხის განხილვა მოხდა.
„ყველა საკითხი იხილება - პრობლემატური, რა წარმატებები აქვს შსს-ს, რა ღონისძიებებია გატარებული და ამაზეა ძირითადად საუბარი", განუცხადა ჟურალისტებს ხაბარელმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.