თერჯოლისა და ტყიბულის გაერთიანებული მაჟორიტარული ოლქის დეპუტატის - „ქართული ოცნება - დემოკრატიული საქართველოდან“ - ელგუჯა გოცირიძის ძალისხმევით, თერჯოლის მუნიციპალიტეტში განსახორციელებელი პროექტებისთვის დამატებითი თანხები ჩნდება, რითაც თერჯოლის მუნიციპალიტეტის გამგებლის მოვალეობის შემსრულებლის, თემურ ქოჩიაშვილის თქმით, „7 დიდი პროექტი განხორციელდება“.
როგორც თემურ ქოჩიაშვილმა Guardian.ge-ს განუცხადა, საუბარია მსხვილი კომპანიების ადგილმდებარეობის მიხედვით ქონების გადასახადიდან მისაღებ თანხებზე, რომელიც დამატებით, მძლავრ ფინანსურ ბიძგს მისცემს თერჯოლის მუნიციპალიტეტს. აღნიშნული თანხით მუნიციპალიტეტში უმნიშვნელოვანესი პროექტები განხორციელდება, მათ შორის, აღდგება დაახლოებით 26 საბავშვო ბაგა-ბაღი და მოხდება ქალაქ თერჯოლაში სტიქიის შედეგად დაზიანებული სანიაღვრე სისტემის მთლიანად შეცვლა.
„მესამე პროექტი გახლავთ სოფელ ჭოგნარში ბეტონის საფარით გზის მოწყობა, ასევე, სოფელ ბარდუბანში არსებული ჭაბურღილების საფუძველზე წყლის მაგისტრალის მოწყობა; სოფელ სიქთარვაში სასმელი წყლის ქსელის აღდგენა; სოფელ კვახჭირში სასმელის წყლის სისტემის შიდა ქსელის მოწყობა. გვაქვს ასევე კიდევ ერთ პროექტი - თერჯოლაში ჯაბიძის ქუჩის სასმელის წლის მაგისტრალის მოწყობა.
აქედან ორი პროექტი უკვე მზად არის, დანარჩენი ხუთზე კი, გამოცხადებულია ტენდერი პროექტების მოსამზადებლად. როდესაც ყველა პროექტს დავდებთ, მოთხოვნას გავუშვებთ და თანხას მივიღებთ. დაახლოებით, ერთი თვე კიდევ გვჭირდება რომ პროექტები გაკეთდეს, შემდეგ ერთი თვე მშენებლობის გამოცხადება - ეს იქნება ივლისი-აგვისტოში. სექტემბერში უკვე მშნებლობები უნდა დაიწყოს“, განუცხადა Guardian.ge-ს თერჯოლის მუნიციპალიტეტის გამგებლის მოვალეობის შემსრულებელმა, თემურ ქოჩიაშვილმა.
გასულ შაბათს თერჯოლის მუნიციპალიტეტს სტუმრობდა საქართველოს პრემიერ მინისტრი გიორგი კვირიკაშვილი, რომელმაც სოფელ ზედა სიმონეთში, დავით კლდიაშვილის სახლ-მუზეუმში სახალხო ზეიმზე სიტყვით გამოსვლისას თერჯოლის მუნიციპალიტეტის ინფრასტრუქტურულ საკითხებზეც ისაუბრა და თქვა, რომ თერჯოლაში 8 მილიონი ლარის პროექტები განხორციელდა - მოეწყო 26 კილომეტრი გზა, გაიხსნა თანამედროვე სტანდარტების 5 ახალი საბავშვო ბაღი, აღდგა გალერეა, საგამოფენო სივრცე, თუმცა ეს ყველაფერი არ არის და კიდევ არაერთი საინტერესო პროგრამის განხორციელება იგეგმება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.