ვაზიანის პოლიგონზე საარტილერიო სწავლება დასრულდა. I საარტილერიო ბრიგადის რეაქტიულმა ბატალიონმა 3-კვირიანი მომზადება საბრძოლო სროლებით დაასრულა. დასკვნით სწავლებას საქართველოს თავდაცვის მინისტრის მოადგილე ნუკრი გელაშვილი, შეიარაღებული ძალების გენერალური შტაბის უფროსის მოადგილე, ბრიგადის გენერალი ზაზა ჩხაიძე და სახმელეთო ჯარების აღმოსავლეთ სარდალი, პოლკოვნიკი შავლეგო ტაბატაძე დაესწრნენ.
საარტილერიო წვრთნაში რამდენიმე ერთეული 122 მმ-იანი ზალპური ცეცხლის რეაქტიული სისტემა BM-21 მონაწილეობდა. საველე გეგმიური სწავლება 5 ივნისს დაიწყო და მასში I საარტილერიო ბრიგადის რეაქტიული ბატალიონის პირადი შემადგენლობა და დამკვირვებელ-მაკონტროლებლები მონაწილეობდნენ. გეგმიური საველე წვრთნა სამ ეტაპად განხორციელდა. დასკვნით ფაზაზე 72-საათიანი სწავლება დაიგეგმა, რომელსაც I საარტილერიო ბრიგადის შტაბის დამკვირვებელ-მაკონტროლებლები აკვირდებოდნენ.
საარტილერიო საველე წვრთნის მიზანს პირადი შემადგენლობის საბრძოლო მომზადების დონის დახვეწა წარმოადგენდა.
ინფორმაციას თავდაცვის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.