საქართველოს პრემიერ-მინისტრ ირაკლი ღარიბაშვილის განცხადებით, 1978 წლის 14 აპრილს, როდესაც ქართული ენის სახელმწიფო სტატუსს საფრთხე დაემუქრა, ქართველმა ხალხმა საბჭოთა რეჟიმის პირობებში გმირობის ტოლფასი ნაბიჯი გადადგა და საბჭოთა რეპრესიულ მანქანას უყოყმანოდ დაუპირისპირდა.
მისი თქმითვე, ქართველი ხალხის ერთსულოვნებამ და უკომპრომისო პროტესტმა საბჭოთა რეჟიმი აიძულა დათმობაზე წასულიყო.
„14 აპრილს საქართველოში დედაენის დღე აღინიშნება. ეს დღე იყო დასტური იმისა, ჩვენს ერში პატრიოტული სულისკვეთება, ეროვნული თვითშეგნება რამდენად ძლიერი იყო. ამ დღეს ნათლად გამოჩნდა, რომ ქართველი ხალხი თავის უმთავრეს ღირებულებებს არასოდეს დათმობდა.
ქართველმა ხალხმა დედაენას ძეგლი დაუდგა. დღეს, როდესაც ქართული ენის სახელმწიფო სტატუსს საფრთხე აღარ ემუქრება, ჩვენი ვალია მას გავუფრთხილდეთ, ენის სიწმინდე დავიცვათ და მომავალ თაობებს ასე შევუნარჩუნოთ“, - წერს ირაკლი ღარიბაშვილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.