ინტერპოლმა საქართველოს იუსტიციის ყოფილ მინისტრ ზურაბ ადეიშვილზე ძებნა შეწყვიტა. ადეიშვილი ძებნილთა სიიდან ამოიღეს.
კრიმინალური პოლიციის საერთაშორისო ორგანიზაციამ მასზე ძებნა გასულ წელს დაიწყო. მასთან ერთად წითელი ცირკულარით იძებნებოდა თავდაცვის ყოფილი მინისტრი, დავით კეზერაშვილიც, რომელიც ინტერპოლის სიიდან ჯერ კიდევ არ არის ამოღებული.
ზურაბ ადეიშვილის ადვოკატმა ოთარ კახიძემ განაცხადა, რომ მათთვის ოფიციალურად ინტერპოლის ხელმძღვანელობას ადეიშვილის მიმართ ძებნის შეწყვეტის თაობაზე ჯერ არ უცნობებია.
"ოფიციალური დასტური ამ დრომდე არ მიგვიღია, შესაბამისად, მეც მხოლოდ ის ვიცი, რომ ზურაბ ადეიშვილი ინტერპოლის საიტზე, ძებნილთა სიაში აღარ არის. ინტერპოლს რამდენჯერმე მივმართეთ წერილით, მათ შორის ბოლოს - 4 თვის წინ. ამასთან, ვაწვდიდით ინფორმაციას იმის თაობაზე, რომ მოწმეებმა ჩვენებები გადათქვეს და ადეიშვილის წინააღმდეგ საქმეებს სამართლებრივი საფუძველი გამოეცალა. მათ შორის, ციხის საქმეზე, მოწმე გაგა მკურნალიძემ თქვა, რომ ადეიშვილის წინააღმდეგ ჩვენება ზეწოლის შედეგად მისცა და შესაბამისად, პოლიტიკური მოტივაციის ნიშნები არსებობდა", - განაცხადა კახიძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.