ახალციხეში, 30 ივნისს წმინდა შალვა ახალციხელის ხსენების დღე აღინიშნა. ქალაქ ახალციხის მუნიციპალიტეტის მერიის ცნობით, ტრადიციული დღესასწაული წირვით, სახალხო ზეიმითა და გრანდიოზული ღონისძიებებით აღინიშნა.

მათივე ინფორმაციით, სხვადასხვა სახის სპორტული თუ კულტურული ღონისძიებები 10:00 საათიდან 23:00 საათამდე გაგრძელდა.

„გაიმართა წირვა წმინდა შალვა ახალციხელის სახელობის მშენებარე ტაძარში; თვითნასწავლი მხატვრის მიხეილ იაძის მემორიალური დაფის გახსნა; მოტო-რბოლა „Castle Riders”- მონაწილეობით;

სერგო ქობულაძის მემორიალური დაფის გახსნა; შსს მომსახურების სააგენტოს სპორტული კლუბის ავტომობილების გამოფენა; დრამ-შოუ ფერადი ფოიერვერკებით; გარბენი კოსტავას, კეცხოველისა და ნათენაძის ქუჩებზე; რეწვის ოსტატების ნამუშევრების გამოფენა-გაყიდვა,ხალიჩების ფესტივალი, ღვინის სადეგუსტაციო გამოფენა-გაყიდვა, ფოტოგამოფენა „ძველი და ახალი ახალციხე“;

სპორტული ღონისძიებები: ჭიდაობა, მკლავჭიდი, ძიუდო; თოჯინების თეატრის წარმოდგენა; აღმოსავლური საბრძოლო ხელოვნების საჩვენებელი გამოსვლა; მოწვეული სტუმრების (დიდი ბრიტანეთ და სამხრეთ აფრიკა) კონცერტი; ხალიჩების მეორე საერთაშორისო ფესტივალის გახსნა;

საპატიო ახალციხელების დაჯილდოება; გამარჯვებულების დაჯილდოება ნომინაციებში -„საუკეთესო ეზო“, „საუკეთესო ქუჩა“, „საუკეთესო კორპუსი”; ადგილობრივი ანსამბლების და ინდივიდუალური შემსრულებლების კონცერტი; თეატრალური წარმოდგენა და გალა-კონცერტი", აღნიშნულია ახალციხის მერიის მიერ გავრცელებულ ინფორმაციაში.