საქართველოს თავდაცვის მინისტრი ლევან იზორია საქართველოში იტალიის რესპუბლიკის საგანგებო და სრულუფლებიან ელჩს, ანტონიო ენრიკო ბარტოლის შეხვდა.
თავდაცვის მინისტრმა იტალიელ დიპლომატს საქართველოს მიმართ გამოჩენილი პოლიტიკური და პრაქტიკული მხარდაჭერისათვის მადლობა გადაუხადა.
შეხვედრაზე მხარეებმა საქართველოსა და იტალიას შორის თავდაცვის სფეროში ორმხრივი თანამშრომლობის გეგმებზე ისაუბრეს.
თავდაცვის სამინისტროს პრესსამსახურის ცნობით, შეხვედრის ერთ-ერთი მთავარი თემა ორმხრივი თანამშრომლობის ფორმატში სამხედრო პოლიციასა და კარაბინერებს შორის თანამშრომლობის გაღრმავება იყო.
მხარეებმა სამხედრო განათლების სფეროში თანამშრომლობის საკითხებიც განიხილეს.
თავდაცვის მინისტრმა ყურადღება ნატო-საქართველოს არსებითი პაკეტის განხორციელების პროცესში ნატოსა და პარტნიორი ქვეყნების ექსპერტთა მონაწილეობის მნიშვნელობაზეც გაამახვილა.
შეხვედრას თავდაცვის მინისტრის პირველი მოადგილე ლელა ჩიქოვანი და იტალიის რესპუბლიკის თავდაცვის ატაშე, საზღვაო კაპიტანი დანიელე სივიკო დაესწრნენ.
დღესვე, საქართველოსა და იტალიას შორის თავდაცვის სფეროში თანამშრომლობის ყოველწლიურ გეგმას ხელი მოეწერა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.