რექს ტილერსონმა განაცხადა, რომ ტრამპმა პუტინთან შეხვედრის დასაწყისშივე არაერთხელ წამოსწია რუსეთის მიერ აშშ-ის არჩევნებში ჩარევასთან დაკავშირებით არსებული წუხილი
07-07-2017, 13:37

შრიფტის ზომა: [ A+ ] / [ A- ]

 

ამერიკის შეერთებული შტატების სახელმწიფო მდივანმა რექს ტილერსონმა განაცხადა, რომ პრეზიდენტმა დონალდ ტრამპმა რუსეთის პრეზიდენტთან, ვლადიმერ პუტინთან მისი შეხვედრის დასაწყისშივე წამოწია ამერიკელი ხალხის წუხილი მოსკოვის მიერ აშშ-ის 2016 წლის საპრეზიდენტო არჩევნებში ჩარევასთან დაკავშირებით.

 


„მათ ძალიან მძლავრი და ხანგრძლივი ურთიერთგაცვლა ჰქონდათ აღნიშნულ თემაზე“, განაცხადა ტილერსონმა ტრამპის და პუტინის შეხვედრის დასრულების შემდეგ, როგორც ამას Reuters-ი იტყობინება.

 


„პრეზიდენტმა დაჟინებით მოსთხოვა პრეზიდენტ პუტინს, თან არაერთხელ, რუსეთის ჩარევასთან დაკავშირებით. პრეზიდენტმა პუტინმა უარყო ამგვარი მონაწილეობა, რაც როგორც მე ვფიქრობ მან წარსულშიც გააკეთა“.

 

 

BBC-ის ცნობით, რუსეთის საგარეო საქმეთა მინისტრის, სერგეი ლავროვის განცხადებით, ტრამპმა მიიღო პუტინის მტკიცება, რომ რუსეთი არ ყოფილა პასუხისმგებელი აშშ-ის არჩევნებზე. 

 


გერმანიის ქალაქ ჰამბურგში, „დიდი ოცეულის“ სამიტის ფარგლებში ვლადიმერ პუტინსა და დონალდ ტრამპს შორის პარასკევს ხანგრძლივი მოლაპარაკებები შედგა, რომელიც დაგეგმილზე გაცილებით მეტ ხანს, 2 საათი და 15 წუთი გაგრძელდა. მას ესწრებოდნენ რუსეთის საგარეო საქმეთა მინისტრი სერგეი ლავროვი და აშშ-ის სახელმწიფო მდივანი ჯონ ქერი. ეს იყო პირველი შეხვედრა შეერთებული შტატების და რუსეთის პრეზიდენტებს შორის, რომლებსაც აქამდე ერთმანეთთან მხოლოდ სატელეფონო კონტაქტი გააჩნდათ და პირისიპირ მოლაპარაკებების დაწყებამდე რამდენიმე საათით ადრე ძალზე ხანმოკლე შეხვედრა ჰქონდათ - ხელის ჩამორთმევის დონეზე.

 

 

შეხვედრის დასაწყისში პუტინმა და ტრამპმა განაცხადეს, რომ მოხარულნი არიან ერთმანეთის ნახვითა და გაცნობით. რუსეთის პრეზიდენტმა აღნიშნა, რომ სურს განიხილონ ორმხრივი ურთიერთობები და საერთაშორისო პოლიტიკის საკითხები. მან გამოხატა რწმენა, რომ შეხვედრა შედეგის მომტანი იქნება.

 


მათ ორთავემ განაცხადეს, რომ სურთ გამოსწორება ურთიერთობების, რომელიც სირიისა და უკრაინის კრიზისის და ასევე რუსეთის აშშ-ის 2016 წლის საპრეზიდენტო არჩევნებში სავარაუდო ჩარევის გამო დაზიანდა.

 


დიდი ოცეულის სამიტის წინა დღეს 76-მა პოლიციის ოფიცერმა მიიღო დაზიანებები პროტესტანტებთან შეხლა-შემოხლისას. შეტაკებები დემონსტრანტებსა და პოლიციელებს შორის პარასკევსაც გაგრძელდა.

 


რუსულმა მედიამ განაცხადა, რომ პუტინსა და ტრამპს შორის შეხვედრა 1 საათი გაგრძელდება, მაგრამ მოგვიანებით გავრცელებული ცნობების თანახმად, ის დაახლოებით, ნახევარი საათი გაგრძელდება.

 


მოელიან, რომ პრეზიდენტები ძირითადად სირიისა და უკრაინის საკითხებზე მოახდენენ ფოკუსირებას.

 


შეხვედრამდე ერთი დღით ადრე, შეერთებული შტატების პრეზიდენტმა, დონალდ ტრამპმა მოუწოდა რუსეთს შეაჩეროს უკრაინის და სხვა ქვეყნების „დესტაბილიზაცია“ და დაასრულოს „მტრული რეჟიმების“, ისეთის, როგორიცაა სირია და ირანი, მხარდაჭერა.

 


პოლონეთის დედაქალაქ ვარშავაში საუბრისას ტრამპმა დაჟინებით მოუწოდა რუსეთს „შეუერთდეს პასუხისმგებლიანი სახელმწიფოების რიგებს“ და „საერთო მტრებთან ბრძოლას თავისივე ცივილიზაციის დასაცავად“.

 


კრემლს საპასუხო კომენტარები არ გაუკეთებია.

 

 

კომენტარები: 1
#1   ზურაბი
      
ეი.ტრამპი და ტილერსონი სასტიკად არიან გაბრაზებულები პუტინზე იმის გამო რომ პუტინის ა.შშ არჩევნებში ჩარევის შემდეგ ერთი პრეზიდენტი ხოლო მეორე ვიცე პრეზიდენტი გახდა,და ხმამაღლა გამოთქვეს პროტესტი,რა უბედურებაა,დებილების სკოლაა?
7 ივლისი 2017 14:56
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი