თემურ ბასილია: „გარწმუნებთ, „ქართული მარშის“ მოთხოვნები დიდად არ განსხვავდება ამერიკის რესპუბლიკური პარტიის და პრეზიდენტ ტრამპის საარჩევნო პროგრამებისგან საემიგრაციო საკითხებზე“
16-07-2017, 01:00

შრიფტის ზომა: [ A+ ] / [ A- ]

 

„ქართული მარშის“ შესახებ თავის მოსაზრებას გამოთქვამს ამერიკის შეერთებულ შტატებში მცხოვრები საქართველოს ყოფილი ვიცე-პრემიერი და პრეზიდენტის ეკონომიკური მრჩეველი თემურ ბასილია.

 


როგორც ბასილია აცხადებს, „იმდენჯერ უძახეს „ქართული მარშის“ ორგანიზატორებს ფაშისტები, რასისტები, ქსენოფობები და ბნელები“, დაინტერესდა გაეგო რეალურად რა მოთხოვნები ჰქონდათ აქციის ორგანიზატორებს და რამდენად შეესაბამებოდა მათადამი გამოთქმული ასეთი ბრალდებები სინამდვილეს.

 


„ვუყურე პირდაპირ რეპორტაჟს აღმაშენებლის გამზირიდან, ასევე მოვუსმინე გია კორკოტაშვილის წაკითხულ ტექსტს/მოთხოვნებს. ხაზს ვუსვამ, ჩემი დაინტერესება გამოიწვია არა ამ მარშის ორგანიზატორების მოწოდებამ მსვლელობის ჩატარების შესახებ - მსგავსი აქციები უმრავლეს დემოკრატიულ ქვეყნებში ხშირად ტარდება, არამედ, მათ ფაშისტებად და ბნელებად მოხსენიებამ. ამიტომაც, რეპორტაჟის დაწყებას მართლაც შიშით ველოდი, რომ არ მოხდარიყო რაიმე სახის ძალადობა. ასევე, შიშით ველოდი, ფაშისტურ და რასისტულ განცხადებებს.

 

 

მადლობა ღმერთს, რომ ეს მოლოდინი არ გამართლდა. პირველ რიგში, ეს მსვლელობა მშვიდობიანად, ყოველგვარი ძალადობის გარეშე ჩატარდა, რაც როგორც სამართალდამცავი ორგანოების, ასევე, ამ აქციის ორგანიზატორების და რა თქმა უნდა, აქციის მონაწილეთა დამსახურებაა“, წერს სოციალურ ქსელში თემურ ბასილია და მიიჩნევს, რომ აქციაზე გია კორკოტაშვილის მიერ წაკითხული მოთხოვნები თითქმის იდენტურია პრეზიდენტ ტრამპის საარჩევნო პროგრამებისა საემიგრაციო საკითხებზე.

 


„რაც შეეხება გია კორკოტაშვილის მიერ წაკითხულ მოთხოვნებს, გარწმუნებთ, ისინი დიდად არ განსხვავდება ამერიკის რესპუბლიკური (მმართველი) პარტიის და პრეზიდენტ ტრამპის საარჩევნო პროგრამებისგან საემიგრაციო საკითხებზე. თუ, გაეცნობით ამ პროგრამებს, რომელთა მოძიება ინტერნეტში ძალიან ადვილია, ნახავთ ისეთ საკითხებს, როგორიც არის მექსიკის საზღვარზე დამცავი კედლის მშენებლობა, არალეგალი ემიგრანტების სავალდებულო დაპატიმრება და მათი დეპორტაცია, ამერიკაში დაბადებული არალეგალი ემიგრანტების შვილებისთვის მოქალაქეობის ავტომატურ მიცემაზე უარის თქმა, თავისუფალ სამუშაო ადგილებზე პირველ რიგში ამერიკის მოქალაქეების აყვანა და ა. შ. სხვათა შორის, ამ იდეების არქიტექტორი სტივ ბენონი ამჟამინდელი პრეზიდენტის ყველაზე გავლენიანი მრჩეველია. რაც შეეხება კონკრეტულ ნაბიჯებს, ისეთ ლიბერალურ შტატშიც კი, როგორიც მერილენდია (სადაც ვცხოვრობ), არალეგალი ემიგრანტების გამოვლენის მიზნით ტარდებოდა რეიდები. ასევე, რამდენიმე კვირის წინ ძალაში შევიდა პრეზიდენტის ბრძანებულება 6 მუსულმანური ქვეყნიდან ემიგრაციის აკრძალვის/შეზღუდვის შესახებ. სხვათა შორის, ამერიკის შეერთებული შტატების რესპუბლიკური პარტია დიდი ხანია ითხოვს ემიგრაციაზე კონტროლს. არ ვაფასებ, ეს კარგია თუ ცუდი, უბრალოდ, ფაქტს ავღვნიშნავ. აქედან გამომდინარე, გია კორკოტაშვილისთვის და გუშინდელი აქციის ორგანიზატორებისთვის - რომლებსაც, სხვათა შორის, არ ვიცნობ - ფაშისტების, რასისტების და ბნელების ძახილი, არასწორია და შორს არის რეალობისგან.

 


რაც შეეხება პოლიტიკურ კონტექსტს - რა თქმა უნდა, ეს არის პოლიტიკური ბრძოლის ფორმა. როგორც ჩანს, უკონტროლო ემიგრაციასთან დაკავშირებით ქართულ საზოგადოებაში არსებობს სერიოზული შეშფოთება და ადამიანთა დიდ ნაწილს აწუხებს ეს პრობლემა. ეს წუხილი რომ არ არსებობდეს, გუშინდელი მარშის ორგანიზატორებს ძალიან გაუჭირდებოდათ რამდენიმე ათეული ადამიანის მობილიზებაც კი. ეს პრობლემა არ მოგვარდება ამ აქციის ორგანიზატორების მიმართ ფაშისტების, ქსენოფობების და ბნელების ძახილით; პირიქით, ეს კიდევ უფრო გაამწვავებს დაპირისპირებას. ამიტომაც, სასურველია სხვადასხვა პოლიტიკურ თუ ინტერესთა ჯგუფებს შორის დაიწყოს დიალოგი, როგორი საიმიგრაციო პოლიტიკა სჭირდება საქართველოს. და, რაც მთავარია, ამ დიალოგის წარმმართველი და აქტიური მონაწილე უნდა იყოს საქართველოს ხელისუფლება, რომელმაც უნდა მიიღოს საბოლოო გადაწყვეტილება“, აცხადებს თემურ ბასილია.

 

 

კომენტარები: 1
#1   რომანი
      
გონიერი გამიძახილი. ბევრისთვის დასაზეპირებელი
17 ივლისი 2017 01:17
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

ავღანეთის პოლიციის წარმომადგენლის სალამ ავღანის განცხადებით, პარასკევს ჰელმანდის პროვინციაში, მაშინ როცა ავღანეთის უსაფრთხოების ძალები სოფლის თალიბი მებრძოლებისაგან გაწმენდას ცდილობდნენ, შეერთებული შტატების საჰაერო დარტყმების შედეგად „16 ავღანელი პოლიციელი, მათ შორის ორი მეთაური იქნა მოკლული და ორი სხვა პოლიციელი დაჭრილი“.

იორდანიის დედაქალაქ ამანში ისრაელის საელჩოზე თავდასხმა განხორციელდა. დაღუპულია სულ მცირე ერთი იორდანელი და სერიოზული ჭრილობა აქვს მიყენებული ერთ ისრაელელს. ინფორმაციას ამ წუთებში BBC ავრცელებს.

ყველაზე კითხვადი
  1. „ქართველთა მარში“ გაიმართება, - შინაურების გამოსაფხიზლებლად და გარეულების გასაფრთხილებლად!“
  2. თემურ ბასილია: „გარწმუნებთ, „ქართული მარშის“ მოთხოვნები დიდად არ განსხვავდება ამერიკის რესპუბლიკური პარტიის და პრეზიდენტ ტრამპის საარჩევნო პროგრამებისგან საემიგრაციო საკითხებზე“
  3. მიხეილ სააკაშვილი კახა კალაძეზე: ერთი ოროსანი სვამს მეორე ოროსანს - აბსოლუტურ ბრიყვს და გაუნათლებელს - მილიონნახევრიანი ქალაქის მერად
  4. შსს: 100 ქულის ამოწურვის შემდეგ, 1 წლის განმავლობაში მხოლოდ ერთხელ იქნება დასაშვები მართვის უფლების მისაღებ გამოცდაზე გასვლა
  5. შალვა ნათელაშვილი: „ივანიშვილი ინსულტირებული, პარალიზებული და სრულიად ქმედუუნაროა... მასთან პუტინის სახელით ჩავიდა მილერი და შეეცადა მისი გარემოცვისთვის გაგებინებას, რომ ძალაუფლება კალაძეს გადააბაროს“
  6. „ქართული ოცნება“ 2017 წლის ადგილობრივ არჩევნებში დღევანდელი გამგებლების აბსოლუტურ უმრავლესობას არ წარადგენს - წყაროები
  7. ლეჩხუმის ტურისტული ინფრასტრუქტურის განვითარებისთვის 551,700 ლარი დაიხარჯება - რევაზ ბენიძე აცხადებს, რომ მხარის დიდი პოტენციალის გამოუყენებლობა „დიდი დანაშაული იქნება“
  8. რექს ტილერსონმა განაცხადა, რომ ტრამპმა პუტინთან შეხვედრის დასაწყისშივე არაერთხელ წამოსწია რუსეთის მიერ აშშ-ის არჩევნებში ჩარევასთან დაკავშირებით არსებული წუხილი
  9. ისრაელის საგარეო საქმეთა სამინისტრო აცხადებს, რომ ჯორჯ სოროსი შეუწყვეტლივ უთხრის ძირს ისრაელის დემოკრატიულად არჩეულ მთავრობებს
  10. ანგელა მერკელმა ვლადიმერ პუტინს თვალები დაუბრიალა?
ბოლო სიახლეები
ამინდის პროგნოზი
ვალუტის კურსი