ვენესუელას დედაქალაქ კარაკასში, ოპოზიციის ორგანიზებულ არაოფიციალურ რეფერენდუმზე 61 წლის მედდა ცეცხლსასროლი იარაღით ხმის მისაცემად რიგში დგომისას მოკლეს.
როგორც BBC იუწყება, მამაკაცებმა, რომლებმაც მოტოციკლებით ჩამოიარეს, ცეცხლი რიგში მდგომი ადამიანების მიმართ გახსნეს - ქალბატონი მოკლულია, ხოლო სამი სხვა მოქალაქე დაჭრილია.
ოპოზიციამ ბრალი „გასამხედროებულ“ ბანდას დასდო. გავრცელებულ ვიდეოში ჩანს, როგორ გარბის ხალხი სროლებისას, ბევრი მათგანი ეკლესიისკენ მირბის.
ვენესუელაში პოლიტიკურ ნიადაგზე წარმოშობილი კრიზისის და შეხლა-შემოხლების შედეგად აპრილიდან მოყოლებული 100-ზე მეტი ადამიანი დაიღუპა.
ოპოზიციის წარმომადგენელმა კარლოს ოკარიზმა სროლების შესახებ კომენტირებისას თქვა: „ჩვენ ძალიან ვწუხვართ მომხდარის გამო, ეს დიდი ტკივილია“.
პროკურორებმა განაცხადეს, რომ ისინი გამოიძიებენ ინციდენტს. დასახელდა ქალის ვინაობა, რომელსაც ესროლეს და რომელიც საავადმყოფოში მიყვანიდან რამდენიმე წუთში გარდაიცვალა. მისი სახელი და გვარია ქსიომარა სოლედად სკოტი.
გარდა ამ ფაქტისა, დაუდგენელმა ჯგუფმა ასევე მოიტაცა, დააყაჩაღა და ცემა ჟურნალისტი ლუის ოლავარიეტა, რომელმაც მოახერხა გამოქცევა. მას სამედიცინო დახმარება აღმოუჩინეს.
ვენესუელას ახალი ასამბლეის არჩევნები ოფიციალურად 30 ივლისს გაიმართება. ქვეყნის პარლამენტს ამჟამად ოპოზიცია აკონტროლებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.