ეგეოსის ზღვაში მომხდარმა ძლიერმა მიწისძვრამ საბერძნეთის კუნძულ კოსზე სულ მცირე ორი ადამიანის სიცოცხლე იმსხვერპლა.
როგორც BBC შეერთებული შტატების გეოლოგიურ სამსახურზე დაყრდნობით იუწყება, 6.7 მაგნიტუდის სიმძლავრის მიწისძვრის ეპიცენტრი კოსის ჩრდილო-აღმოსავლეთით 12 კილომეტრში, თურქეთის სანაპიროსთან ახლოს, ზღვის 10 კილომეტრის სიღრმეში იყო.
პოპულარულ ტურისტულ კურორტზე სულ მცირე 100-მა ადამიანმა მიიღო დაზიანებები, დანგრეულია რამდენიმე შენობა.
თურქეთის ქალაქ ბოდრუმში ადამიანებმა დაზიანებები გაქცევისას მიიღეს.
მიწისძვრა პარასკევს, ადგილობრივი დროით 01:31 საათზე (23:30 GMT ხუთშაბათი) მოხდა.
თურქეთი და საბერძნეთი სეისმურად აქტიურ ზონაში მდებარეობენ და მიწისძვრებს ხშირად აქვს ადგილი.
ბოლო წლებში ერთ-ერთი ყველაზე დამანგრეველი მიწისძვრა თურქეთში მჭიდროდ დასახლებულ ჩრდილო-დასავლეთ ნაწილში 1999 წელს მოხდა და დაახლოებით 17,000 ადამიანის სიცოცხლე იმსხვერპლა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.