დონალდ ტრამპის კომუნიკაციების ახალმა დირექტორმა ანტონი სკარამუჩიმ სოციალურ ქსელ „თვითერში“ მისი ის ადრინდელი განცხადებები წაშალა, რომელიც აშშ-ის პრეზიდენტის აზრებთან წინააღმდეგობაში მოდიოდა.
„ფრანს პრესის“ ცნობით, მეორე დღესვე, როგორც კი ნიუ იორკელი ფინანსისტი სკარამუჩი ახალ თანამდებობაზე მუშაობას შეუდგა, „თვითერზე“ მისი, წლების წინათ გამოქვეყნებული ის განცხადებები წაშალა, სადაც ჰომოსექუალურ ქორწინებას ემხრობოდა და ტრამპისაგან განსხვავებულ მოსაზრებებს გამოთქვამდა არალეგალურ ემიგრაციაზე, კლიმატის ცვლილებაზე, ისლამსა და თვით იარაღის კონტროლზე.
სკარამუჩის დანიშვნის გამო თეთრი სახლის პრესმდივანმა, შონ სპაისერმა პარასკევს თანამდებობა დატოვა.
წერილობით განცხადებაში ტრამპმა თქვა, რომ იგი „მადლიერია“ სპაისერის, მის მიერ გაწეული მუშაობის გამო და შეაქო თეთრი სახლის ყოფილი პრესმდივნის, „დიდი სატელევიზიო რეიტინგი“.
თეთრი სახლის პრესმდივნის თანამდებობაზე სპაისერის მოადგილე სარა ჰაკაბი სანდერსი დაწინაურდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.