II ქვეით ბრიგადაში წვევამდელების ფიცის დადების ცერემონია გაიმართა.
თავდაცვის სამინისტროს ცნობით, დღეიდან 54 სამხედრო მოსამსახურე სახმელეთო ჯარების დასავლეთ სარდლობის II საარტილერიო და III ქვეით ბრიგადებში გადანაწილდებიან და ცხრა თვის განმავლობაში საქართველოს შეიარაღებულ ძალებში ახალი სისტემით იმსახურებენ.
მათ საბრძოლო მომზადების საათები ყოველდღიურად ექნებათ, ისევე, როგორც ამას საკონტრაქტო სამსახურში გადიან. მათივე სავალდებულო სამხედრო მოსამსახურეები სრულყოფილ სამხედრო მომზადებას გაივლიან და მონაწილეობას თითქმის ყველა სწავლებაში მიიღებენ, რაც კი, შესაბამის ქვედანაყოფებში ჩატარდება.
„სავალდებულო სამსახურის ჯარისკაცები გაუმჯობესებული სოციალური პაკეტით ისარგებლებენ და უქმე დღეებით სარგებლობის საშუალებაც ექნებათ.
ფიცის დადების ცერემონიალს სახმელეთო ჯარების დასავლეთის სარდალი, პოლკოვნიკი გიორგი მათიაშვილი, დასავლეთ სარდლობის შტაბის წარმომადგენლები, ასევე დაქვემდებარებული ქვედანაყოფების მეთაურები და სერჟანტები დაესწრნენ.
წვევამდელებმა 12-კვირიანი საწყისი საბრძოლო მომზადება II ქვეით ბრიგადასა და საველე ბანაკ „სორტაზე“ განახლებული პროგრამით გაიარეს. კურსის განმავლობაში რეკრუტებმა საცეცხლე, საინჟინრო, სამედიცინო და ფიზიკური მომზადება, სადისციპლინო წესდება, კავშირგაბმულობა და საერთო საჯარისო წესდება, სამხედრო ტოპოგრაფია და სამწყობრო მომზადება გაიარეს", აღნიშნულია თავდაცვის სამინისტროს მიერ გავრცელებულ ინფორმაციაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.