მესტიის მუნიციპალიტეტის გამგეობის სააქტო დარბაზში, იურისტმა ლევან ალაფიშვილმა ადგილობრივი თვითმმართველობის წარმომადგენლებთან შეხვედრა გამართა.
მესტიის მუნინციპალიეტის გამგეობის ცნობით, ლევან ალაფიშვილმა დამსწრე საზოგადოებას ნაშრომი „მაღალმთიან დასახლებებში თვითმმართველობის განვითარება მეწარმეობის განვითარების მეშვეობით“ წარუდგინა, სადაც განხილულია მაღალმთიანი დასახლების საწარმოს სტატუსის მინიჭების, შეჩერებისა და შეწყვეტის პირობები და პროცედურები, მეწარმეობის განვითარების პროგრამა „აწარმოე საქართველოში“, მაღალმთიანი დასახლების საწარმოს სტატუსის მქონე საწარმოების ანალიტიკური მონაცემები და სხვა საზოგადოებისთვის საინტერესო საკითხები.
აღნიშნული კუთხით მესტიის მუნიციპალიტეტის გამგეობის საქმიანობისა და გადადგმული ნაბიჯების შესახებ ისაუბრა მუნიციპალიტეტის გამგებელმა, კაპიტონ ჟორჟოლიანმა.
მათივე ინფორმაციით, დამსწრე საზოგადოებას საკუთარი გამოცდილება გაუზიარეს თელავის და ოზურგეთის მუნიციპალიტეტების წარმომადგენლებმა. შეხვედრა კითხვა-პასუხის რეჟიმში გაგრძელდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.