საქართველოში ამერიკის შეერთებული შტატების ელჩი იან კელი ყოფილი პრეზიდენტისთვის, მიხეილ სააკაშვილისთვის უკრაინის მოქალაქეობის ჩამორთმევის ფაქტს გამოეხმაურა.
როგორც ელჩმა ჟურნალისტებთან საუბრისას განაცხადა, საკითხი უკრაინის გადასაწყვეტია.
რაც შეეხება შეერთებული შტატებს, მისი განმარტებით, აშშ მსგავს საკითხებს საერთაშორისო ვალდებულებისა და საერთაშორისო სამართლებრივი სისტემის ჭრილში განიხილავს.
„მოქალაქეობის ჩამორთმევის საკითხი არის მიმდინარე სამართლებრივი საქმე და თემასთან დაკავშირებით დეტალებზე კომენტარს ვერ გავაკეთებ. რაც შეეხება ამერიკის პოზიციას, ჩვენ მსგავს თემებს ვუყურებთ საერთაშორისო ვალდებულებისა და საერთაშორისო სამართლებრივი სისტემის ჭრილში. ამ კონკრეტულ მოქმედებასთან დაკავშირებით შემიძლია ვთქვა, რომ ეს არის უკრაინის ქვეყნის საქმე და მათი გადასაწყვეტი," განაცხადა იან კელიმ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.