ქალბატონი, რომელსაც ნორფოლკში პოლიციის ფურგონმა დაარტყა და აღენიშნებოდა კრიტიკული დაზიანებები, კემბრიჯის ჰერცოგმა საავადმყოფოში გადააფრინა. ინფორმაციას ბრიტანული სამაუწყებლო კორპორაცია (BBC) ავრცელებს.
ფურგონი ფეხით მოსიარულე ქალბატონს ხუთშაბათს, ვაიმონდჰამის ქუჩაზე დაეჯახა.
ოფიცრები, როდესაც ავარია მოხდა, პასუხობდნენ 999-ის ზარს დაკარგული ქალის შესახებ.
ნორფოლკის პოლიციის განცხადებით, 50-დან 60 წლამდე ქალი, რომელსაც ავტომაქანა დაეჯახა და ქალი, რომელსაც ეძებდნენ, ერთი და იგივე პიროვნებაა.
პრინცმა უილიამმა და თავისმა გუნდმა დაზარალებული ადენბრუკის საავადმყოფოში, კემბრიჯში, გადააფრინეს.
სხვა არავინ დაზარალებულა შეჯახებისას.
აღმოსავლეთ ინგლისის საჰაერო სასწრაფო დახმარების (EAAA) წარმომადგენელმა განაცხადა: „ჩვენმა გუნდმა, რომელშიც პრინციც იმყოფებოდა, სამხრეთ ნორვიჩის ტერიტორიაზე დახმარება აღმოუჩინა საგზაო შემთხვევაში დაზარალებულ პირს. პაციენტს აღენიშნებოდა თავის მძიმე დაზიანებები, რაზეც ადგილზევე უმკურნალეს. მოგვიანებით დაზარალებული საავადმყოფოში იქნა გადაყვანილი“.
კემბრიჯის ჰერცოგი თავს ანებებს საჰაერო სასწრაფო დახმარების მფრინავის საქმიანობას, რათა დედოფლის და ედინბურგის ჰერცოგის ნაცვლად განაგრძოს სამეფო მოვალეობების შესრულება.
საქმე დამოუკიდებელი პოლიციის სარჩელთა კომისიას გადაეცა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.