საქართველოს კათოლიკოს-პატრიარქი სიონის ტაძარში აშშ-ის ვიცე პრეზიდენტს, მაიკ პენსს შეხვდა. მას შემდეგ, რაც ვიცე პრეზიდენტმა და მისმა მეუღლემ ტაძარი დატოვეს, შეხვედრის დეტალებზე ჟურნალისტებთან პროტოპრესვიტერმა, გიორგი ზვიადაძემ ისაუბრა.
„მისმა უწმინდესობამ, როდესაც შეიტყო მისი მობრძანების შესახებ სიონის საკათედრო ტაძარში, გადაწყვიტა, რომ თავად შეხვედროდა ძალიან მაღალი რანგის სტუმარს, პატრიარქის მხრიდან ძალიან დიდი პატივისცემის გამოხატულება იყო. ვიცე პრეზიდენტს საშუალება ჰქონდა ენახა სიონის ყოვლადწმინდა ღვთისმშობლის ხატი, ასევე ზუსტი ასლი ივერონის ყოვლად წმინდა ხატისა, ასევე საშუალება გვეჩვენებინა წმინდა ნინოს ჯვარი....
სრულიად საქართველოს კათოლიკოს-პატრიარქმა ილია მეორემ პატივისცემის ნიშნად სტუმარს საჩუქრად გადასცა ოქროს სამაჯური, ასევე მის მეუღლეს - ოქროს ჯვარი, ცნობილი, როგორც თამარის ჯვარი. კათოლიკოს-პატრიარქმა სთხოვა ვიცე-პრეზიდენტს, რომ თუ შეიძლებოდა მას გადაეცა საჩუქარი აშშ-ს პრეზიდენტ დონალდ ტრამპისთვის და პირველი ლედის, მელანია ტრამპისთვის. ვიცე პრეზიდენტმა დიდი პატივით უპასუხა, რომ ის პირადად გადასცემდა საჩუქრებს აშშ-ის პრეზიდენტსა და პირველ ლედის”, განაცხადა ზვიადაძემ, რომლის თქმითაც, პატრიარქმა პენსს პრეზიდენტისა და პირველი ლედისთვის ასევე ოქროს სამაჯური და ოქროს ჯვარი გადასცა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.