ლოს ანჟელესმა გამოხატა მზადყოფნა უმასპინძლოს 2028 წლის ოლიმპიურ თამაშებს, რამაც პარიზს 2024 წლის თამაშების მასპინძლობის არჩევანი დაუტოვა
1-08-2017, 10:20

შრიფტის ზომა: [ A+ ] / [ A- ]

 

ლოს ანჟელესმა ოფიციალურად გამოაცხადა თავისი კანდიდატურა უმასპინძლოს 2028 წლის ოლიმპიურ თამაშებს, რამაც პარიზს 2024 წლის თამაშების მასპინძლობის არჩევანი დაუტოვა. (ფოტოზე - ლოს ანჟელესის 1984 წლის ოლიმპიადაზე  ლეგენდარულმა სპრინტერმა კარლ ლუისმა, მარცხნიდან მეორე, ოთხი ოქროს მედალი მოიპოვა).

 


ივნისში, საერთაშორისო ოლიმპიურმა კომიტეტმა (IOC) კენჭი უყარა შემდგომი ოლიმპიური თამაშებისთვის მასპინძელი ქალაქის დასახელებას - რომელშიც მხოლოდ პარიზს და ლოს ანჟელესს ჰქონდა განაცხადი, თუმცა, უცნობი იყო რომელი ქალაქი რომელ წელს უმასპინძლებდა თამაშებს.

 


ორივე ქალაქს ჰქონდა სურვილი ოლიმპიური თამაშებისთვის 2024 წელს ემასპინძლა.

 


საერთაშორისო ოლიმპიურმა კომიტეტმა მოიწონა ლოს ანჟელესის ნაბიჯი, გამოეყო საორგანიზაციო კომიტეტის დასაფინანსებლად 1.4 მილიარდი ევრო.

 


მოლაპარაკებების საკითხებთან ახლოს მყოფმა წყარომ BBC Sport-ს განუცხადა, რომ ლოს ანჟელესისთვის ფინანსურად გაცილებით მომგებიანი იქნება უმასპინძლოს ოლიმპიურ თამაშებს 2028 წელს, ვიდრე 2024-ში.

 


ლოს ანჟელესის განაცხადის კომიტეტის თავმჯდომარემ კასი ვასერმანმა ცოტა ხნის წინ განაცხადა: „ორივე ქალაქი ერთად დგას და მზად არის ემსახუროს ოლიმპიურ და პარაოლიმპიურ მოძრაობებს.“

 


ლოს ანჟელესის მერმა, ერიკ გარცეტიმ განაცხადა, რომ მათ „გადააქვთ ოლიმპიური თამაშები უკან“ 2028 წლისთვის. მანვე აღნიშნა, რომ „ეს შემოთავაზება ზედმეტად კარგი იყო იმისთვის, რომ ხელიდან არ გაგვეშვა.“

 


ლოს ანჟელესი ორჯერ გახლდათ ოლიმპიური თამაშების მასპინძელი (1932 და 1984 წელს).

 


პარიზის მერმა, ენ ჰაიდალგომ განაცხადა: „პარიზი და ლოს ანჟელესი გახლავთ ორი გასაოცარი გლობალური ქალაქი, რომლებმაც გააერთიანეს ძალები ოლიმპიური თამაშებისთვის. დღეს ჩვენ ერთად ვდგავართ და ვეხმარებით ოლიმპიურ თამაშებს მიაღწიოს წარმატებას 2024 და 2028 წელს.“

 


„როგორც დღევანდელი განცხადება გვიჩვენებს, საუბარი ორ ქალაქსა და საერთაშორისო ოლიმპიურ კომიტეტს შორის წარმატებით ვითარდება. ჩვენ გვჯერა, რომ ყველასთვის მომგებიან შეთანხმებას მივაღწევთ ოლიმპიური კომიტეტის სხდომამდე ლიმაში.“

 


ოლიმპიურმა კომიტეტმა ლოს ანჟელესს და პარიზს მოთხოვა სექტემბრის სხდომამდე შეთანხმებულიყვნენ. წინააღმდეგ შემთხვევაში, მასპინძლის გამოსავლენად არჩევნები ჩატარდებოდა.

 


საერთაშორისო ოლიმპიური კომიტეტის პრეზიდენტმა, ტომას ბახმა ლოს ანჟელესის გადაწყვეტილება „ძლიერად და აღმაფრთოვანებლად“ მიიჩნია.

 


მან დაამატა: „ჩვენ გვჯერა, რომ ოლიმპიური კომიტეტის ლიდერობით ლოს ანჟელესთან და პარიზთან ერთად, მივაღწევთ სამმხრივ შეთანხმებას აგვისტოში, რომელიც სამივე მხარისთვის მომგებიანი იქნება.“

 


„ეს შეთანხმება წინ წამოიწევს ოლიმპიური კომიტეტის სხდომაზე სექტემბერში რატიფიკაციისთვის.“

 


ლოს ანჟელესი ამტკიცებდა, რომ იგი გაუმასპინძლდებოდა დაბალი ღირებულების ოლიმპიადას იქედან გამომდინარე, რომ მას საჭირო ინფრასტრუქტურა უკვე გააჩნდა, მაშინ როცა პარიზს დასჭირდებოდა აეგო რამდენიმე ძვირი შენობა-ნაგებობა.

 


2024 წლისთვის ბრძოლაში მხოლოდ ორი ქალაქი - პარიზი და ლოს ანჟელესი დარჩა მას შემდეგ, რაც ბუდაპეშტი, ჰამბურგი და რომი გამოეთიშნენ შეჯიბრს.

 

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

პრეზიდენტმა დონალდ ტრამპმა განაცხადა, რომ შეერთებული შტატების ნაჩქარევი გამოსვლა ავღანეთიდან ტერორისტებისთვის ცარიელ ადგილს დატოვებდა. მან თქვა, რომ მისი თავდაპირველი ინსტინქტი აშშ-ის ძალების გამოყვანა იყო, მაგრამ ამის ნაცვლად გადაწყვიტა დარჩენა და „გამარჯვებამდე ბრძოლა“, რომ თავიდან იყოს აცილებული ერაყში დაშვებული შეცდომები.

შეერთებული შტატების საიდუმლო სამსახური პრეზიდენტ დონალდ ტრამპის დიდი ოჯახისა და კერძო საკუთრებების სიმრავლის გამო საბიუჯეტო პრობლემებს განიცდის.

ყველაზე კითხვადი
  1. პრეზიდენტმა ტრამპმა განაცხადა, რომ ტრანსგენდერი ადამიანები ვერ იმსახურებენ „ვერც ერთ თანამდებობაზე“ აშშ-ის არმიაში
  2. მიხეილ სააკაშვილი: ქართველი ხალხი გამოვა ქუჩებში და გააძევებს ივანიშვილს, როგორც კი მე გამოვჩნდები თბილისში
  3. ნიკა მელიამ მაიკ პენსს უთხრა: „ბატონო ვიცე-პრეზიდენტო, ხელისუფლება იმართება ‘გაზპრომის’ აქციონერის, ბიძინა ივანიშვილის მიერ, რომელსაც არ უკავია არავითარი ოფიციალური თანამდებობა“
  4. ამერიკის შეერთებული შტატები მთელი რუსეთის მასშტაბით აჩერებს არასაემიგრაციო ვიზების გაცემას
  5. ალექსეი სტოლიაროვმა განაცხადა, რომ მინისტრ მღებრიშვილთან სააკაშვილზე ჩაწერილი სატელეფონო საუბარი ნამდვილია და ის „შეუძლია გადასცეს ნებისმიერ ექსპერტიზას“
  6. ოფიციალურმა ფხენიანმა განაცხადა, რომ აშშ-ის ტერიტორიაზე რაკეტების დარტყმის გეგმა „აგვისტოს შუა პერიოდისთვის“ იქნება მზად
  7. პრეზიდენტმა ტრამპმა განაცხადა, რომ ნებისმიერ ფასად უნდა შეჩერდეს რადიკალური ისლამისტური ტერორიზმი
  8. ლადო პაპავა ჯეჯელავას წინააღმდეგ: „გასაგებია, რომ პრემიერ მინისტრი კრონიზმის სენითაა დაავადებული, მაგრამ „ქართულ ოცნებას“ ხომ ჰყავს სხვა ლიდერებიც, მათ რაღა დაემართათ?“
  9. სერგეი ლავროვმა განაცხადა, რომ ჩრდილოეთ კორეის სამხედრო კონფლიქტის ალბათობა ძალიან მაღალია
  10. კიმ ჩენ ინმა აშშ-ის ტერიტორიის, გუამის მიმართულებით რაკეტების გაშვების გადაწყვეტილება გადადო
ბოლო სიახლეები
ამინდის პროგნოზი
ვალუტის კურსი