დუბაიში, არაბთა გაერთიანებულ საამიროებში 79 სართულიანი საცხოვრებელი ცათამბჯენი ცეცხლის დიდმა საბურველმა მოიცვა - უკვე მეორეჯერ ორი წლის განმავლობაში.

ვიდეომასალაში ნაჩვენებია, როგორ იწვის ცათამბჯენი და როგორ ცვივა ნამსხვრევები ქუჩაში.

ადმინისტრაციამ მოგვიანებით განაცხადა, რომ მცხოვრებლები „წარამტებით იქნენ ევაკუირებულნი“ და ცეცხლი კონტროლის ქვეშაა.

ჯერჯერობით უცნობია თუ რამ გამოიწვია მსოფლიოს ერთ-ერთ ყველაზე მაღალ ცათამბჯენში ხანძარი.

როგორც დუბაის მედიის ოფისმა განაცხადა, ცეცხლი, რომელიც სწრაფად გავრცელდა, დუბაის საქალაქო დაცვის სამსახურის მიერ კონტოლის ქვეშ მოექცა ადგილობრივი დროით 03:40-ზე.

თვითმხილველების მიერ სოციალურ ქსელში ატვირთულ ვიდეოებში ნათლად ჩანს, როგორ ვრცელდება ცეცხლი 337 მეტრიანი ცათამბჯენის გარეთა ნაწილზე.

პარასკევს გავრცელებულ ფოტოებში ჩანს ცეცხლის გავრცელების მიდამოებში დაზიანებული ავტომანქანები.

„თორჩ თაუერი“ 2015 წელსაც დააზიანა ცეცხლმა და ასობით ადამიანი იძულებული გახადა დაეტოვებინა შენობა.

როგორც გუნდმა აღნიშნა, ცეცხლს მსხვერპლი არ მოჰყოლია, რადგან შენობის არქიტექტურა ისეა მოწყობილი, რომ ცეცხლთან ბრძოლა და მოქალაქეების ევაკუირება მარტივი და უსაფრთხოა.

მოკლე ინფორმაცია „თორჩ თაუერზე“

 79 სართულიანი ცათამბჯენი 2011 წელს გაიხსნა.

 გახსნისას იყო მსოფლიოში ყველაზე მაღალი საცხოვრებელი შენობა, თუმცა სადღეისოდ მსოფლიოში უკვე 6 ცათამბჯენია, რომელიც სიმაღლით უსწრებს „თორჩ თაუერს“.

 ცათამბჯენის ცენტრის თანახმად, შენობა მიჩნეულია მსოფლიოში სიდიდით მეორმოცე ნაგებობად.

 შენობაში 676 ბინაა. ორ-საძინებლიანი ბინის ფასი 500,000 დოლარიდან იწყება.

 მცხოვრებლებს წვდომა აქვთ რვასართულიან პარკინგზე და საცურაო აუზზე, რომელიც გადაჰყურებს დუბაის პორტს.