ოთხმა ოპოზიციურმა პარტიამ „ახალი საქართველო“, „ახალი ერთობა საქართველოსთვის“, „ევროპელი დემოკრატები“ და „სამოქალაქო ალიანსი თავისუფლებისთვის“ გაერთიანების გადაწყვეტილება მიიღო.

ახალი ოპოზიციური გაერთიანება ოპოზიცურ პოლიტიკურ ძალებს გაერთიანებისა და პრაიმერის გზით მერობისა და საკრებულოს საერთო კანდიდატების არჩევისკენ მოუწოდებს.

„დავივიწყოთ ვიწრო პარტიული ინტერესები, ჩვენ უნდა დავამარცხოთ "ქართული ოცნება". ჩვენ უნდა დავამარცხოთ საქართველოს ხელისუფლებაში არსებული არაფორმალური მმართველობა. მივმართავ ყველა მერობის კანდიდატს, მივმართავ ყველა პროდასავლურ პოლიტიკურ პარტიას, გავერთიანდეთ. პრაიმერის გზით გადავწყვიტოთ ვინ უნდა იყოს მერობის კანდიდატი, ვინ უნდა იყოს საარჩევნო სიაში, ვინ უნდა იყოს მაჟორიტარობის კანდიდატი და ერთიანი ძალებით დავამარცხოთ „ქართული ოცნება,“ განაცხადა პოლიტიკური პლატფორმა „ახალი საქართველოს” თავმჯდომარემ, გიორგი ვაშაძემ დღეს გამართულ ბრიფინგზე.