ანაკლია-განმუხურის ტურისტულ ზონაში ელექტრონული მუსიკალური ფესტივალი „Gem-fest-2017” გრძელდება. მთავარ სცენაზე, ამჯერად, მსოფლიოში ცნობილმა ვარსკვლავმა, Solomun-მა დაუკრა. მსოფლიო დონის ვარსკვლავმა თაყვანისმცემლებს 2-საათიანი შოუ-პროგრამა შესთავაზა, სადაც თავისი ძველი და ახალი ჰიტები შეასრულა.
სამეგრელო-ზემო სვანეთის სამხარეო ადმინისტრაციის ცნობით, ელექტრონული მუსიკის ფესტივალი, რომელიც ანაკლიაში 3 წლის წინ დაფუძნდა წელს მსოფლიო რეკორდს ხსნის და ერთ თვეს გასტანს. წლევანდელი „Gem-fest“-ი ხანგრძლივობასთან ერთად, ყველაზე მეტი ღონისძიების ორგანიზებითაც გამოირჩევა, ფესტივალის ფარგლებში 2 000-ზე მეტი სხვადასხვა სახის ღონისძიება უკვე გაიმართა.
Solomun-ის შემდეგ კი, მთავარ სცენაზე მსოფლიო დონის ისეთი ვარსკვლავები დაუკრავენ როგორებიცაა: Axwell Λ Ingrosso, Swanky Tunes, Boris Brejcha, Paul Kalkbrenner.
„Gem-fest”-ის დამფუძნებლის, გიორგი სიგუას თქმით, Solomun-ის კონცერტზე ტურისტების რეკორდული რაოდენობა დაფიქსირდა - მხოლოდ ამ კონცერტზე ვიზიტორების რაოდენობამ 20 000-ზე მეტს მიაღწია.
ფესტივალი 14 აგვისტოს გრანდიოზულად დაიხურება და ელექტრონული მუსიკის მოყვარულებს მომდევნო წლამდე დაემშვიდობება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.