საქართველო-რუსეთს შორის 2008 წლის 8 აგვისტოს დაწყებული ომის 9 წლის თავზე რუსეთის პრეზიდენტი ვლადიმერ პუტინი აფხაზეთში ჩავიდა და ე.წ. რესპუბლიკის პრეზიდენტს, რაულ ხაჯიმბას შეხვდა.
2013 წლის აგვისტოს შემდეგ ეს მისი პირველი ვიზიტია ოკუპირებულ აფხაზეთში.
პუტინმა აღნიშნა, რომ მოსკოვს სოხუმთან „განსაკუთრებული, სრულიად განსაკუთრებული ურთიერთობები აკავშირებს“.
„ჩვენ საიმედოდ ვიძლევით აფხაზეთის უსაფრთხოების და დამოუკიდებლობის გარანტიას. დარწმუნებული ვარ, რომ ეს მომავალშიც ასე იქნება“, განაცხადა პუტინმა ხაჯიმბასთან შეხვედრაზე და დაამატა, რომ ახლა გარდაუვალია მოიძებნოს ოპტიმალური გზა აფხაზეთის ეკონიმიკის განვითარებისთვის. მან ასევე თვითაღიარებული რესპუბლიკის თავდაცვისუნარიანობის უზრუნველყოფაზეც გააკეთა განცხადება.
„რია ნოვოსტის“ ცნობით, ერთ-ერთი საკითხი, რაზეც რუსეთის პრეზიდენტმა ასევე გაამახვილა ყურადღება, აფხაზეთში ტურისტების უსაფრთხოების უზრუნველყოფას ეხებოდა.
„აფხაზეთის, რუსეთის მოქალაქეები და სტუმრები, საიდანაც არ უნდა იყვნენ ისინი ჩამოსული, უნდა გრძნობდნენ, რომ ისინი საიმედო დაცვის ქვეშ იმყოფებიან“, განაცხადა პუტინმა.
აფხაზეთში, გუდაუთის რაიონში, დასახლებულ პუნქტში, ე.წ. თავდაცვის სამინისტროს სამხედრო საწყობში აგვისტოს დასაწყისში მომხდარი აფეთქებისას ორი რუსი ტურისტი დაიღუპა, დაზიანება 60-მა ადამიანმა მიიღო, მათ შორის 27 რუსმა.
უფრო ადრე, ივლისში გუდაუთის რაიონში თავს დაესხნენ დამსვენებელთა ჯგუფებს, რა დროსაც ასევე რუსი ეროვნების მოქალაქე, ანდრეი კაბანოვი დაიღუპა. ასევე გავრცელდა ინფორმაცია, რომ ადგილი ჰქონდა ერთ-ერთი რუსული ოჯახის ძარცვას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.