საფრანგეთის ადგილობრივი ხელისუფლების წარმომადგენლების თქმით, ფრანგი მოზარდი „ძალიან სახიფათო“ მდგომარეობაში იმყოფება მას შემდეგ, რაც მას ახალგაზრდულ ბანაკში ყოფნისას მეხი დაეცა.
BBC-ის ცნობით, 15 წლის ბიჭს გული გაუჩერდა და დამწვრობებიც მიიღო. ამჟამად ის ცენტრალურ-დასავლეთ საფრანგეთში მდებარე ტურსის საავადმყოფოში იმყოფება.
ორშაბათს მომხდარი ინციდენტის შედეგად დაზიანებები მიიღო სხვა 5-მა ბავშვმა და ორი მათგანი საავადმყოფოშია გადაყვანილი.
რამდენიმე მოზარდი ტინიტუსით (ყურებში ხმაურით) იტანჯება.
დაზარალებულები 16 ბავშვისაგან შემდგარი ჯგუფის ის წევრები არიან, რომლებიც იმავე დღის დილას ჩავიდნენ ერთკვირიან ბანაკში.
მიუხედავად იმისა, რომ 13 საფრანგეთის დეპარტამენტი „ნარინჯისფერი განგაშის“ ქვეშაა შტორმების გამო, ვიენის დეპარტამენტი, სადაც ცენტრი მდებარეობს, გამონაკლისი აღმოჩნდა. ინციდენტის დროს კონსტრუქტორი და ბავშვებიც ეზოში იყვნენ.
ოფიციალური პირების თქმით, ინციდენტისას დაშავებულებს ფსიქოლოგიური დახმარება შესთავაზეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.