ავსტრალიის სამხედრო-საზღვაო ფლოტის წარმომადგენლებმა, რომლებიც სამძებრო სამუშაოებს ახორციელებდნენ, დაადგინეს ამერიკის სამხედრო საჰაერო ხომალდის ზუსტი ადგილმდებარეობა, რომელმაც ქუინსლენდის სანაპიროსთან განიცადა მარცხი და სამი ამერიკელი საზღვაო ჯარისკაცის სიცოცხლე იმსხვერპლა.
ავსტრალიის თავდაცვის მინისტრმა, მარის პეინმა განაცხადა, რომ გემმა ძებნის დაწყებიდან შოულვოთერის ყურეში მალევე იპოვა ჩაძირული MV-22 Osprey.
BBC-ის ცნობით, ავიალაინერის ავარიის დღეს, შაბათს, 23 ადამიანი გადაარჩინეს, სამი კვლავ დაკარგულად ითვლება.
დაღუპული სამი ამერიკელი მეზღვაურის იდენტიფიცირება მოხდა. ესენი არიან - მარცხნიდან მარჯვნივ: რუბენ ვალასკო, ნათანიელ ორდვეი და ბენჯამინ კროსი.
წყლისქვეშა ძებნითი სამუშაოები გვიან დაიწყება, წერია განცხადებაში.
საჰაერო ხომალდმა, რომელიც იაპონიაში, ოკინავაში იყო ბაზირებული, წვრთნებისას განიცადა ავარია და წყალში ჩაეშვა. ინციდენტის მიზეზი უცნობია.
შეერთებული შტატების სამხედრო ძალების წარმომადგენლის თქმით, სამძებრო სამუშაოებმა და ხომალდის ნაწილების შეგროვებამ შეიძლება თვეები გასტანოს.
შეერთებული შტატების სამხედრო ძალები ამ ადგილას ერთობლივ წვრთნებს, სახელწოდებით, Talisman Sabre ატარებენ.
MV-22 Osprey ჩვეულებრივი თვითმფრინავის მსგავსი ხომალდია, თუმცა ვერტმფრენისნაირი როტორული ფრთების წყალობით შეუძლია ადგილიდან აფრენა, ასაფრენი ბილიკის გამოყენების გარეშე.
როგორც BBC იუწყება, მსგავსი შემთხვევები ადრეც მომხდარა. მაგალითად, 2016 წლის დეკემბერში ოკინავას სანაპიროსთან მომხდარი ავარიის შედეგად დაზიანებები ხუთმა ჯარისკაცმა მიიღო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.