სამტრედიის მუნიციპალიტეტში სახელმწიფო რწმუნებულთან-გუბერნატორთან არსებული სამხარეო საკონსულტაციო საბჭოს სხდომა გაიმართა. სხდომა იმერეთის გუბერნატორმა გივი ჭიჭინაძემ გახსნა.
სამტრედიის გამგეობის ცნობით, გუბერნატორმა გამგებლებთან ერთად, ადგილობრივი ბიუჯეტის შესრულების შედეგებზე იმსჯელა და ინფრასტრუქტურული პროექტების მიმდინარეობის შესახებ მოისმინა ინფორმაცია.
დღესვე საკონსულტაციო საბჭოს წევრებმა სამტრედიის მუნიციპალიტეტში მიმდინარე ინფრასტრუქტურული პროექტები დაათვალიერეს. მათ შორის რუსთაველის ქუჩაზე მრავალსართულიანი ბინების ფასადების აღდგენითი სამუშაოები და ღანირის თემში ბაგა-ბაღის მშენებლობის პროცესი.
იმერეთის გუბერნატორმა გივი ჭიჭინაძემ და სამტრედიის გამგებელმა ვალერიანე ფოცხვერიამ წარმატებული სპორტსმენი ივერი ჯულაყიძეც დააჯილდოვეს, რომელმაც თავისუფალი სტილით მოჭიდავეთა შორის ევროპის ახალგაზრდულ ჩემპიონატზე, ბრინჯაოს მედალი მოიპოვა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.