საქართველოს შს მინისტრის და უკრაინის ყალბი შს მინისტრის, ავაკოვის სატელეფონო ჩანაწერის, სადაც მღებრიშვილი მის უკრაინელ „კოლეგას“ სთხოვს, რომ სააკაშვილი ქართულ მხარეს არ გადმოსცენ, შესწავლას და გამოძიების დაწყებას ითხოვს „ერთიანი ნაციონალური მოძრაობა“, რომლის ერთ-ერთი ლიდერი, პარლამენტის წევრი რომან გოცირიძე მიიჩნევს, რომ აღნიშნული ჩანაწერით დასტურდება, რომ „საქართველოს ხელისუფლებას ძალიან ეშინია მიხეილ სააკაშვილის საქართველოში დაბრუნების“ და იუსტიციის მინისტრი თეა წულუკიანი ატყუებს მოსახლეობას და სინამდვილეში, სააკაშვილის ექსტრადიციის მოთხოვნაზე წერილიც კი არ არის გაგზავნილი პოლონეთში.
„უნდა დაინიშნოს გამოძიება, უნდა შესწავლილი იქნას ფირი... ამ ჩანაწერით ვლინდება, რომ საქართველოს ხელისუფლებას ძალიან ეშინია მიხეილ სააკაშვილის საქართველოში დაბრუნების; ის, რომ მთელი ეს პროცესი არის უკანონო და სავსებით სამართლინად თვლიან ისინი, რომ ამას მოჰყვება ძალიან დიდი სახალხო მღელვარება და ეს შეიწირავს ამ ხელისუფლებას. ეს არის შიში მათ თვალებში, შიში პირველ რიგში მათი არაკანონიერი ქმედების გამო; ის, რომ ქალბატონი წულუკიანი ატყუებს მოსახლეობას და სინამდვილეში აგულიანებს თავის მომხრეებს რომ სააკაშვილს, ასე ვთქვათ, გაუმკლავდებიან. სინამდვილეში, ექსტრადიციის მოთხოვნაზე წერილიც კი არ არის გაგზავნილი პოლონეთში“, აცხადებს რომან გოცირიძე ჟურნალისტებთან საუბრისას.
საქართველოს შინაგან საქმეთა მინისტრის და „უკრაინის შინაგან საქმეთა მინისტრის არსენ ავაკოვის“ აუდიო სატელეფონო ჩანაწერში, რომელიც ვებგვერდმა Страна.ua -მ ექსკლუზიურად გამოაქვეყნა და რომლის ნამდვილობა ჯერჯერობით არ არის დადასტურებული, მღებრიშვილი ყალბ ავაკოვს, სინამდვილეში პრანკერ ლექსუსს (ალექსეი სტოლიაროვს) ეუბნება, რომ კონსულტაციები გაიარა „თავის ბიჭებთან“, მათ შორის პროკურორთან და აქვს „დიდი თხოვნა“, რომ თუკი საქართველოს ყოფილი პრეზიდენტი გამოჩნდება უკრაინაში, იგი თბილისს არ გადმოსცენ, რადგან „მისგან საქართველოში გმირის შექმნა“ არ უნდათ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.