საქართველოს შინაგან საქმეთა მინისტრის და „უკრაინის შინაგან საქმეთა მინისტრის არსენ ავაკოვის“ სატელეფონო ჩანაწერს, რომელიც ვებგვერდმა Страна.ua -მ ექსკლუზიურად გამოაქვეყნა და რომლის ნამდვილობა ჯერჯერობით არ არის დადასტურებული, „იუმორისტული სკეტჩის ეპიზოდად“ აღიქვამს „ქართული ოცნების“ დეპუტატი ეკა ბესელია.
„ასეთი შოუს და იუმორისტული სკეტჩის ეპიზოდებით შეიძლება დაკავდეს ნებისმიერი ადამიანი, მაგრამ ეს არ არის თემა, რომლის სერიოზული პოლიტიკური განხილვა შეიძლება მოხდეს. მე ამას არანაირ სერიოზულ მნიშვნელობას არ ვანიჭებ და ბუნებრივია, მის ავთენტურობაზე არ და ვერც ვისაუბრებ“, განაცხადა ბესელიამ.
Страна.ua -ს მიერ გამოქვეყნებულ ჩანაწერში მღებრიშვილი ყალბ ავაკოვს, სინამდვილეში პრანკერ ლექსუსს (ალექსეი სტოლიაროვს) ეუბნება, რომ კონსულტაციები გაიარა „თავის ბიჭებთან“, მათ შორის პროკურორთან და აქვს „დიდი თხოვნა“, რომ თუკი საქართველოს ყოფილი პრეზიდენტი გამოჩნდება უკრაინაში, იგი თბილისს არ გადმოსცენ, რადგან „მისგან საქართველოში გმირის შექმნა არ უნდათ.
ალექსეი სტოლიაროვმა, რომელიც ცნობილია, როგორც ლექსუსი, რადიოსადგურ „Говорит Москва“-სთან საუბრისას განაცხადა, რომ საქართველოს შინაგან საქმეთა მინისტრ გიორგი მღებრიშვილთან უკრაინის შინაგან საქმეთა მინისტრის, არსენ ავაკოვის სახელით ჩაწერილი სატელეფონო საუბარი ნამდვილია და ის „შეუძლია გადასცეს ნებისმიერ ექსპერტიზას“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.