შიშობენ, რომ ასეულობით ადამიანია მოყოლილი მეწყერში სიერა ლეონეს დედაქალაქის სიახლოვეს. წითელი ჯვრის ინფორმაციით, დაღუპულია 312 ადამიანი, თუმცა ვარაუდობენ, რომ ეს ციფრი გაიზრდება.
როგორც BBC იუწყება, მძიმე წვიმების შემდეგ ორშაბათ დილით გორაკი მოწყდა და ტალახმა და ქვა-ღორღმა ბევრი სახლი მთლიანად მოიყოლა ქვეშ იმ დროს, როცა შესაძლოა ბევრ ადამიანს ჯერ კიდევ ეძინა.
სიერა ლეონეს ვიცე-პრეზიდენტმა ვიქტორ ბოკარიე ფოჰმა განაცხადა: „მოსალოდნელია, რომ ასეულობით გარდაცვლილი ადამიანი იყოს მეწყერში მოყოლილი“.
„უბედურება იმდენად სერიოზულია, რომ მე თვითონ თავს განადგურებულად ვგრძნობ“, უთხრა მან ახალი ამბების სააგენტო „როიტერსს“.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.